Isaya 27:9 - Baibo Busansulushi Bwa Libuku Ili

⁹ Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Isaya 27:9 교차 참조

Bene Loma 11:27

Cipangano ici cilaakucitika, ndaakubalekelela bubi bwabo.”

Isaya 48:10

Ndamweelesha mumulilo wa mapensho, bweenka mbuli silifa mbooboteshekwa mumunyumbi. Nakubi boobo ndacaana ayi taaku mbomubete.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Isaya 17:8

Teshi bakaciinke manungo mushipaililo isho nshebakayaka amaansaabo. Ncakwiila teshi bakaciinke manungo mushikoshanyo shakwe Ashela lesa wabo mwanakashi, nabi mushipaililo sha tununkila kabotu nshebakayaka amaansaabo.

Bene Ebulu 12:6

Ceebo Mwaami ulalulamika muntu woonse ngwaasuni, alimwi ulooma mwaana uli woonse ngwaatambula.”

1 Bene Kolinto 11:32

Sombi Lesa ulatoombolosha akutondesha bukali bwakwe kwaamba ayi tutakacailwi pantu pomwi abatashomi nguwe.

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Esekelo 11:18

“Balaakuboolela mucishi cabo, bakakusheemo shikoshanyo shoonse shifundoosha kumoyo shiliimo alimwi ashibumbwabumbwa shilensha bunya.

Isaya 4:4

Mwaami Lesa ulaakusansha bubi bwa banakashi bene Siyoni. Ulaakusansha ashibala shibala sha bulowa mundabala ya Jelusalemu. Ishi ulaakushicita kwiinda mukusebensesha muuya wakoombolosha amuuya usalasha wa mulilo.

Isaya 1:29

Cilaakukulensha nsoni kwaamba ayi wakalinga kulambila shisamu alimwi aceebo cakusala myuunda yakulambililamo balesa bamwi.

Tushimpi 20:30

Shuumo shipanga shilonda nsheshikusha kushibiibi, akwalo kuumwa kulakasha moyo kucita shibiibi.

Kulumbaisha 119:71

Cakabota kwaamba ayi ncanikwe mumapensho ceebo ndakeeya milawo yanu.

Kulumbaisha 119:67

Kaantana kuba mumapensho ndakalinga kusowekete, sombi cino ciindi ndakonkela maswi anu.

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

2 Makani 34:4

Bakamwayulula shipaililo shakwe Baali kweelana ambwaakabaambila Josiya. Bakapwayoola ashipaililo sha tununkila kabotu shakalinga pafwaafwi anshisho, shikoshanyo shakwe Ashela alimwi ashibumbwabumbwa shimwi shoonse. Lyalo bakasanseela busu bwa nshisho pashuumbwe sha baabo bakalinga kubenga milambu kuli nshisho.

2 Makani 14:5

Ono ceebo cakwaamba ayi wakanyonyoola misena yakulambililaako ya patulundu alimwi ashipaililo shakutentelaawo tununkila kabotu mumandabala a bene Juda oonse, cishi cakalinga muluumuno mubwaami bwakwe boonse.

2 Baami 25:9

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Dutolonomi 12:3

Mukamwayoole shipaililo shabo, mukanyonyoole mabwe ngobakeemika pamisena yakulambililaawo alimwi mukatente shikoshanyo shakwe Ashela mumulilo, lesa wabo mwanakashi wakubesa akutimboola shibumbwabumbwa shabo kwaamba ayi batakalambilili mumisena iyo lyobilo.

2 Baami 10:26

Bakakusha libwe lyakwiimika ilyo lyakalinga muŋanda yakwe baali akulitenta.

Esekelo 6:4

Shipaililo shakubengelawo milambu shilaakumwayoolwa asheesho shakutentelawo tununkila kabotu ndaakushipwayoola. Ndaakucaya bantu abo kunembo lya shibumbwabumbwa shabo.

2 Baami 23:14

Mwaami Josiya wakapwaya macinko asalalite mutupanshapansha. Wakatimboola shikoshanyo shakwe Ashela lesa mwanakashi akufweka waawo mposhakalinga kwiimfwi ashifuwa sha bantu.

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Mika 5:11

Ndaakunyonyoola mandabala oonse a mucishi canu akupwayoola malinga anu oonse.