Isaya 25:11 - Baibo Busansulushi Bwa Libuku Ili

¹¹ Balaakutandabika maansaabo anga ngumuntu utooyanda kusamba njabwe. Sombi Lesa ulaakumana kulisumpula kwabo nakubi kwaamba ayi balacita shabucenjeshi.

Isaya 25:11 교차 참조

Isaya 16:14

Ono bulya Mwaami Lesa waamba ayi, “Na peendebo myaaka yotatwe ikwene, bulemu bwa cishi ca Moabu bulaakumana. Abalo bantu beshi bakapuluke mbakubalabo, nakubi boobo abalo balaakunoomanite cakuwabo akumuuwo.”

Isaya 16:6

Bene Juda balaamba ayi, “Twakanyumfwa bene Moabu mbobalisumpula. Ncakwiila balalisumpula, kulyuuma mushaamba alimwi mbeshi kanyansho. Ono kulinaamuna kwabo takucite mpindu.”

Isaya 14:26

Anu ubo mbondabamba ayi nkacite mucishi coonse ca panshi. Ndanyamuna kale lyaansa lyangu kwaamba ayi mpe mulandu bantu bamishobo yoonse.”

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Jemusi 4:6

Sombi Lesa ulatupa luse lwakushikoma. Nceceeco Malembo ncaambila ayi, “Lesa ulakaka bantu balisumpula sombi ulapa luse kubaabo baliceesha.”

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Jelemiya 51:44

Ndaakupa mulandu Belo, lesa wa bene Babiloni akumulengesha kushipulula nshaakamina. Mishobo ya bantu teshi ikawuumukileko tubili. “Lubumbu lwa cishi ca Babiloni lulaakuwa.

Jelemiya 48:42

Mushobo wa bene Moabu ulaakunyonyoolwa cakwaamba ayi teshi ukabewo tubili mushobo ceebo wakakaka ndime neMwaami Lesa.

Isaya 65:2

Ciindi coonse ndalinga kulibambite kucafwa bantu beshicimpamya. Ee, bantu beenda munshila shibiibi. Mbantu bakonkelabo shamiyeeyo yabo.

Isaya 53:12

Paceebo ceeco ndaakumupa musena wabulemu, ee, kumupa musena pakati ka yeeyo ya basankwa bacite mpuwo mukwiinga waaba buumi kushikila akulufu, mukwiinga alakwe wabelengelwa pantu pomwi abamucita shibi alimwi mukwiinga wakabwesa shibiibi sha bantu baanji akubeemikanina ayi balekelelwe.”

Isaya 25:5

nabi anga ndumwi lukali lwa muluyanga. NoBaami baLesa, mwebo moomusha kupilinganya kwa baswamashi bweenka likumbi mbolifwekelesha kulisuba akubombya lumwi. Munshila iyo inyimbo sha bantu batacite nkumbu shamana.

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 10:33

Amubone, Mwaami Lesa, ee, Mwaami Lesa Shinkusu shoonse ulaakubatema akubalosha anga ngumusampi wa cisamu watemwa. Ncakwiila abo balisumpula, abo balinaamuna ulaakubatema akubaboosha panshi.

Kulumbaisha 2:5

Lyalo ulabakalalila mubukali bwakwe akubaloondesha kubukali bwakwe bwiindaawo,

Jelemiya 48:29

“Ndakanyumfwa bene Moabu mbobalisumpula. Ncakwiila balalisumpula akulyuuma mushaamba. Ee, balalisumpula alimwi mbeshi kulinaamuna. Balilisuni abuumbi mumyoyo yabo.

Jobo 40:11

Langa beshikulisumpula, ubakalalile akubabombya.

Isaya 2:10

Nobantu, amuyube mushimfwengo mutulundu twa myaandami, nabi kukaba shilindi kwaamba ayi mucice bukali bwa Mwaami Lesa akuyuba nkusu abulemu bwakwe.

Isaya 2:15

Ulaakumwayoola maanda alaamfu pantu pomwi amalinga ayumu oonse.

Jelemiya 48:47

“Nakubi boobo ndaakulengesha bene Moabu kuswitilila alimwi munshiku shitoosa. Nebo neMwaami Lesa ndaamba.” Anu peenka apa mpopeela makani akoomboloshekwa kwa cishi ca Moabu.