9 Bantu bacileka kwiimba pakunwa waini, ee, bwalwa bwabo butoobica mukanwa.
Mapensho kubaabo baambwa busankwa pawaini! Ee, abo batacite boowa na caamba kusenkanya shakunwa shikali!
Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.
Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”
Pabushiku ubo kwiimba kulaakuba kulila muŊanda yakwe Lesa. Mituntu ilaakubabo pali poonse. Ilaakusowekwa cakutayobeka. Nebo neMwaami Lesa Shinkusu shoonse ndaamba.”
Mapensho kubaabo baamba bubi ayi cibotu akwaamba cibotu ayi bubi. Balapilula munshinshe kuba mumuni, amumuni kuba munshinshe. Cilula balaamba ayi cilicite mise, cicite mise ayi cilalula.
Ndime ndaba mubandi wa batooya ceenda mumikwakwa, abalo bacakolwa ndime batoobika munyimbo nshebatoopanga.
Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.
Ndaakumanisha nyimbo shako shoonse alimwi mukumo wa tulumbu twako teshi ukanyumfwikewo tubili.
