Isaya 24:8 - Baibo Busansulushi Bwa Libuku Ili

⁸ Kulila kwa misebe kwamana. Ciyobeyobe cakusangalala ca bantu camana, kulila kwa tulumbu koomushikwa.

Isaya 24:8 교차 참조

Osiya 2:11

Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.

Ciyubululo 18:22

Maswi a beshitulumbu abeshikwiimba, beshimitolilo alimwi a beshimapeenga teshi bakanyumfwikeewo alimwi muli ndiwe! Taaku musebenshi wa mulimo uli woonse eshi akacanike muli ndiwe alimwi. Teshi mukanyumfwikeewo akulila kwa mpelo muli ndiwe alimwi!

Esekelo 26:13

Ndaakumanisha nyimbo shako shoonse alimwi mukumo wa tulumbu twako teshi ukanyumfwikewo tubili.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Jelemiya 25:10

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga, kulila kwa mpelo alimwi amumuni wa malampi.

Jelemiya 16:9

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ulaakulibonena ameenso ako. Koocili muumi ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumusena uyu.’

Isaya 5:12

Pakusekelela kwabo balalishilwa tulumbu tunene atuniini, misebe amitoolilo akunwa waini. Sombi kumilimo ya Mwaami Lesa tababikiiko amaano. Ncakwiila milimo ya maansaakwe baleesuula.

Jobo 30:31

Kalumbu kangu kaba kakulishishako nyimbo sha buumba awalo mutoolilo wangu utokwiimbabo nyimbo sha malilo.

Kulumbaisha 137:2

Uko twakaanjika tulumbu twesu kushisamu sha masompe.

Isaya 5:14

Paceebo ceeco cuumbwe calakaminaako alimwi cilicitekobo kwiita. Ncakwiila cilaakumina bacinenenene ba muJelusalemu abantubo bamwi baanji, ee, beshinkondo abamukondwa kumangweengwe.

Isaya 16:10

Kusangalala uko kwalinga kunyumfwika mumyuunda ya shisepo kwakushikwaamo. Bulya taaku utokwiimba nabi kooloma mumyuunda ya minyansa. Taaku utootyana minyansa kushilindi shakutyaninaamo, ee, mukwiinga Lesa wacalila kooloma mumyuunda ya minyansa.

Malilo 5:14

Bamaloba bamana kuswaako kuminjililo ya ndabala. Abalo bacikula bwangu bacileka kwiimba nyimbo.

Esekelo 28:13

Wakalinga muEdeni, ee, mumuunda wakwe Lesa. Mabwe amakwebo oonse akalinga kukubotesha. Nkokwaamba ayi mabwe amakwebo eetwa ayi lubi, topasi alimwi aemalodi, kilisolaiti, onekisi alimwi ajasipa, safaya, tekoisi alimwi abelilu. Shakubikaamo mabwe aya shakalinga sha golodi. Pabushiku ndiwakalengwa ashalo ndishakapangwa.

Jobo 3:7

Ee, mashiku ayo akukabule mwaana umitwa. Akukabule kunyumfwikawo liswi lyakusangalala muli ngawo.

Amosi 6:7

Ncakwiila mwebo mulaakuba pakati ka baabo beshi bakataangune kuya mubusha. Lyalo kusekelela akwikala pashuuna shibotu kulaakumana.