4 Cishi ca panshi cayuma, ncakwiila coonse caangana. Cishi ca panshi aliculu shabola.
Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”
Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.
Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.
Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”
Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”
Soonse twalinga kubisha kuswabo kale kale. Nabi micito yesu ibotu ilibo anga ncakufwala cishipite citoonunka. Twanyana kushibiibi shesu cakuba anga nditewu alimwi shibiibi shesu nshemunya shitootuululusha anga ncipuupu.
Mapensho kubwaami bwa bene Efuleemu balisumpula alimwi bacakolwa! Bulemu bwabo butooya cimanabo anga ngumubala wa liluba litooya bunyana. Ee, mapensho kundabala ya Samaliya ilya ili mucinyika ca mboleshi, ndabala yabooshekwa panshi ceebo ca bacakolwa.
Ncakwiila cishi coonse ulaakucinyonyoola cakumaninina akucisandula luyanga. Mwaami Lesa waamba.
Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.
Mikwakwa iya kuSiyoni itoolila buumba, ceebo taaku nabi womwi uya kuŊanda yakwe Lesa mukusekelela panshiku shisalalite. Muminjililo yakwe yoonse taamu abantu baliimo. Bapailishi ba mumo batootongela, banakashi bakalinga kwiimbilaamo bapenga amyoyo. Paceebo ceeco ili mubuumba bunene abuumbi.
Myuunda yacaalabo tuu. Bulongo butoolila myuunda ceebo shili anga ngamaila shanyonyooka. Shisamu sha minyansa asha nkuyu shafwa. Ashalo shisamu sha maolifi shoonse shayuma.
