Isaya 24:20 - Baibo Busansulushi Bwa Libuku Ili

²⁰ Cishi citootalantanta anga ngucakolwa, citootenkaana anga nkaanda kucipuupu cinene. Ncakwiila calemenwa shibiibi sha bantu ba muli ncico. Cilaakuwa cakutabukaawo tubili.

Isaya 24:20 교차 참조

Isaya 19:14

Mwaami Lesa wabatilila muuya wa cinshiingwa, batoolengesha bamucishi ca Ijipiti kutalantanta mushintu shoonse nshebatoocita, bweenka cakolwa mbwaatalantanta mumaluko akwe.

Amosi 8:14

Boonse bashomesha cakulumbila kushibumbwabumbwa shine Samaliya, nabi baamba ayi, ‘Bweenka mbocibete lushinisho ayi lesa wako ondabala ya Dani ngumuumi,’ nabi ayi, ‘Bweenka mbocibete lushinisho ayi lesa wa kuBiyasheba ngumuumi,’ balaakuwa cakutabukaawo, sobwe.”

Danyelo 11:19

Kuswawaawo ulaakuboolela kushiyubilo sha cishi cine mishaabo, sombi ulaakukomwa alimwi ayo alaakuba ngomeelelesho akwe.

Isaya 29:9

Amutolelele kuba baluya! Amutolelele kuba boofu! Kamukoletwe, sombi kuteshi ceebo ca waini. Kamutalantanta, sombi kuteshi ceebo ca bwalwa.

Ciyubululo 18:21

Mpomunyaawo munjelo ucite nkusu wakabwesa libwe linene lili anga ndyakupelelaawo akuliwaala mulweenge kaamba ayi, “Mbweeke bulya ndabala inene ya Babiloni mbweshi ikanyonyoolwe, teshi ikabonekeewo alimwi!

Malilo 1:14

“Wakabona shibiibi shangu shoonse, akushaangilila pantu pomwi. Ee, kushaangilila pantu pomwi akunkulikisha munshingo. Ncakwiila ndakakopoka ceebo cakulemenwa. Mwaami Lesa wakangaba mumaansa a balwani mbootakoonshi kukoma.

Jelemiya 25:27

“Kuswawaawo ukabaambile ayi nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Amunwe, mukolwe, mulilukaanine akuwita limwi cakutabukawo ceebo ndaakutuma nkondo pakati kanu.’

Jelemiya 8:4

Mwaami Lesa wakandwiita kwaambila bantu bakwe ayi, “Na muntu wawa, sa taabuki? Na muntu waswa munshila, sa taapiluki alimwi?

Isaya 43:27

Amubone mushali wanu mutaanshi wakabisha, bamatanjilili banu bakangashukila.

Isaya 38:12

Buumi bwangu bwakasutulwa anga nitente yamwayululwa nabi anga ncisani casutulwa kucakutungisha. Ncakwiila ndakalinga kuyeeya ayi Lesa utoomanisha buumi bwangu.

Isaya 1:28

Sombi ulaakulyatoola boonse bamucita shibi bamwaalookila. Ncakwiila ulaakucaya boonse bamufutatila.

Isaya 1:8

Ndabala ya Siyoni yacaalabo yeenka anga nkatungu pakati ka muunda wa minyansa, nabi anga nkaanda kali mumuunda wabanamunwa. Ncakwiila yacaalabo anga nindabala ishingulukitwe abashilumamba.

Kulumbaisha 107:27

Bakapulumpunta akutalantanta anga mbantu bakoletwe cakwaamba ayi alushibo lwabo mpalampala.

Kulumbaisha 38:4

Milandu yangu yandemya mutwi cakuyanda kupila panshi. Ncakwiila yafula cakundemena anga ndayumuna shilemu.

Jobo 12:25

Balaashaasha mumunshinshe mutaamu mumuni akubalengesha kutalantanta anga ngucakolwa.

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Isaya 66:24

“Balaakunyamuka akuya mukubona mituntu ya baabo bakaashukila ndime neMwaami Lesa. Ncakwiila mapila eshi akanoolya mituntu yabo teshi akafweewo awalo mulilo weshi ukabateente teshi ukashimishikweewo. Balaakunoolensha bunya kubantu boonse beenga babalanga.”

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Matalikilo 41:31

Ciindi cakuba ashakulya shiinji cilaakulubilwabolimwi mukwiinga kulaakuba nsala iyoosha abuumbi.

Jelemiya 4:24

Ndakalanga kutulundu akubona ayi tutootenkana. Ncakwiila tulundu toonse twakalinga kushanashana.

Jelemiya 51:29

Cishi catenkaana akututuma ceebo nebo neMwaami Lesa ntoocita kweelana amuyeeyo wangu pacishi ca Babiloni. Ndaakucinyonyoola akucisandula kuba luyanga cakwaamba ayi kulaakubula amuntu weshi akekaleemo.