Isaya 24:1 - Baibo Busansulushi Bwa Libuku Ili

¹ Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Isaya 24:1 교차 참조

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 42:15

Aboobo ndaakunyonyoola tulundu tunene atuniini akuyumya shintu shoonse shimeneteewo. Milonga ndaakwiisandula kuba nsumbu alimwi akuyumya mashiba.

Isaya 24:20

Cishi citootalantanta anga ngucakolwa, citootenkaana anga nkaanda kucipuupu cinene. Ncakwiila calemenwa shibiibi sha bantu ba muli ncico. Cilaakuwa cakutabukaawo tubili.

Esekelo 35:14

Mwaami Lesa Shinkusu shoonse waamba ayi, “Ndaakukulengesha kuba luyanga, lyalo cishi coonse ca panshi cilaakusangalala.

Esekelo 12:20

Mandabala anene ayo aswite bantu, alaakunyonyoolwa. Aboobo cishi cilaakuba luyanga. Lyalo ndyeshi bakeshibe ayi nebo ndi Mwaami Lesa.’ ”

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Esekelo 6:6

Uko koonse bantu abo nkweshi bakanookala, mandabalaabo anene alaakunyonyoolwa. Misena yabo yakulambililaako ya patulundu ilaakupumununwa cakwaamba ayi shipaililo shabo shakubengelawo milambu shilaakunyonyoolwa. Ashalo shibumbwabumbwa shabo shilaakupwayoolwa pantu pomwi ashipaililo shabo shakutentelaawo tununkila kabotu. Lyalo shintu shoonse nshebakapanga shilaakushiminganishikwa

Esekelo 5:14

“ ‘Ndaakumunyonyoola akumulengesha kucoboka pakati ka mishobo imushingulukite akubeshikwiindabo.

Esekelo 5:2

Nshiku shako shakulwana ndabala ya Jelusalemu shaakwiinda, ukateente cipansha comwi mumulilo mundabala. Kuswawaawo ukabwese cipansha cimwi akucitimboola amupeeni kushinguluka ndabala yoonse. Cipansha cakweelaako ukacuululushe amuuwo ceebo ndaakubatandaanya amupeeni.

Jelemiya 9:16

Ndaakubapalanganishisha pakati ka mishobo iyo balo nabi bamashali babo bakulukulu njebatakwe kwishibaawo. Ndaakubatandaanya amakoto a bashilumamba kushikila nkabanyonyoole cakumaninina.’ ”

Isaya 33:9

Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Isaya 29:16

Mulasandamuna shintu shoonse, mwebo mulayeeya ayi shikubumba ulyeelenebo ashintu nshaabumba. Ono sa cakabumbwa inga caambila wakacibumba ayi, “Teshi ngowakamumba?” Nabi na nongo inga yaambila shikubumba ayi, “Toocishi ncootoocita?”

Isaya 27:10

Ndabala inene ya lilinga yaba matongo, yaba musena usuulitwe anga nduyanga. Ono mwaba momumafulo a shifubwa. Shilapanga milela akulya matewu kumisampi.

Isaya 5:6

Ndaakulengesha muunda uyo kuba musena utacite mpindu mukutakwesoolaako nabi kuusakwita. Mpeeke palaakumena lukupu amyuumfwa. Ncakwiila ndaakukasha makumbi kulosheshawo mfula.”

Kulumbaisha 146:9

Mwaami Lesa ulalama baswamashi bekala pakati lyesu. Uleemikanina bamukalubinje abana banshiwa. Sombi ulapilinganya buumi bwa bamucita shibi.

Neyemiya 1:8

“Amwiibaluke mulasho ngomwakapa Mose musebenshi wanu wakwaamba ayi, ‘Na mukabule kushomeka kuli ndime, ndaakumupalanganishisha pakati ka mishobo imwi.

2 Baami 21:13

Ndaakupa bene Jelusalemu mulandu bweenka mbondakapa bene Samaliya aAabu mwaami wa bene Isilaeli abamulunyungu lwakwe. Ndaakusalasha ndabala ya Jelusalemu bweenka muntu mbwaapukuta mbale akwisulika.

Dutolonomi 32:26

Ndakalinga kusuni kubanyonyoola boonse ayi bantu bamwi batakabeebalukiwo tubili.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.

Esekelo 24:11

Kuswawaawo mukalike mupika utacite cintu uyo pamakalangasha kushikila mupika usalale kukulungula amukuba wa nguwo unyake. Mucite boobo kwaamba ayi matombe asunguluke andalabwa shimaneemo.

Jelemiya 40:15

Lyalo Joanani mwanaakwe Kaleya wakaambila Gedaliya cabushishi kuMisipa ayi, “Amundeeke nje ncaye Ishimaeli mwanaakwe Netaniya. Taaku weshi akeshibeewo. Ceebonshi nceshi tumulekele ayi amucaaye akulengesha baJuda abo bamushingulukite kupalangana akulobeshesha baabo bakacaala?”

Jemusi 1:1

Ndime Jemusi musebenshi wakwe Lesa aMwaami Jesu Klistu. Ntoolembela ndimwe nomikowa ili likumi ayobilo yakapalanganina mushishi shimwi shoonse. Ndamwaansha.

Milimo ya Batumwi 17:6

Sombi ndibakabona ayi tabamo, bakacata Jasoni abashomi bamwi akubakwelaanya kubatola kubacinenenene ba mundabala inene umo. Bakoolobesha ayi, “Balya bantu baya bucita shimfulunganya koonse koonse, ono bulya bali momuno mundabala yesu inene!

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Isaya 13:5

Bashilumamba abo batooswa kushishi sha kulaale. Ncakwiila batooswabo kwiine kweela cishi ca panshi. Mwaami Lesa mubukali bwakwe utoosa mukunyonyoola cishi ca Babiloni coonse.

Isaya 13:13

Ndaakulengesha liculu kututuma acalo cishi ca panshi cilaakutenkaanishikwaawo pamusena wa ncico. Pabushiku ubo nebo neMwaami Lesa Shinkusu shoonse ndaakuyubulula bukali bwangu buyoosha.

Isaya 24:19

Cishi ca panshi casekemuka alimwi capasooka akutenkaanishikwa.

Isaya 30:32

Muciindi bene Asilya baakunoopekwa mulandu, balo bantu bakwe Lesa balaakunooshana kumukumo wa misebe atulumbu. Mwaami Lesa mwiine ulaakulwana bene Asilya.

Isaya 34:2

Mwaami Lesa wakalalila baswamashi boonse, bukali bwakwe buli pamakoto abo oonse a bashilumamba. Boonse ulaakubanyonyoola cakumaninina. Ulaakubaaba ayi bacaikwe.

Isaya 34:10

Mulilo uyo ulaakunoonyakabo mashiku amalumwi, abwalo bwiishi bwa nguwo bulaakunoosuntabo kwalyoonse alyoonse. Cishi ico cilaakunoolibo mumatongo kuswa kulishalane akulishalane. Taaku muntu nabi womwi weshi akeendemo tubili mucishi ici.

Jelemiya 51:34

Bene Jelusalemu baamba ayi, “Nebukadinesa mwaami wa bene Babiloni wakatumana. Watulengesha kufulungana akutusandula kuba nongo itacite cintu. Watuminabo anga ninsato akususha lifumo lyakwe ashoonse nshaakalinga kusuni. Lyalo wakashipulula mbwaatakalinga kusuni.”

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Isaya 29:2

Ono ndaakushinguluka ndabala iyo yaambwa ayi ncipaililo cakwe Lesa. Ndushinisho kulaakuba kulila abuumba buyoosha muli njiyo. Ndabala yoonse ilaakubabo pyupyupyu kubulowa anga ncipaililo.

Isaya 32:12

Amulyuume pashaamba akuungumana ceebo ca myuunda yanu isangalasha, ee, ceebo ca myuunda yanu icata minyansa iyo yakanyonyoolwa.

Esekelo 6:14

Ndaakufungulula lyaansa lyangu akunyonyoola cishi cabo kuswa kuluyanga lwakumalenge kuya mukushika kuLibula kumatwa. Nkokwaamba ayi koonse uko nkobashiite. Lyalo ndyeshi bakeshibe ayi nebo ndi Mwaami Lesa.”

Esekelo 7:12

Ciindi cashikila, bushiku bwashika. Shikuula atasangalali, alakwe shikuulisha atoongumani ceebo bukali buli pabantu boonse.

Esekelo 7:14

Nabi bakalishe lupeenga akubamba shoonse, taaku nabi womwi weshi akaye kunkondo ceebo bukali bwangu buli pamuntu woonse.