4 Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”
Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.
“Liswi lyanyumfwika muLama, kooloma kwa mibila. Lakelo utoolila bana bakwe, wakaka akuumushikwa mukwiinga bafwa.”
Lyalo nebo neMika ndakaamba ayi, “Paceebo nebo ndaakooloma akulila. Ndaakunooya ceenda myeendobo alimwi matakosha. Ndaakunookooloma anga ngumwaaba, akunoolila anga ngumwiina.
Mwaami Lesa waamba ayi “Liswi lyanyumfwika muLama, kooloma kwa mibila. Lakelo utoolila bana bakwe wakaka akuumushikwa mukwiinga bafwa.”
Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.
Ndindakalinga mumapensho ndakapaila kuMwaami Lesa. Ciindi ca mashiku ndakatambika maansaangu pakupaila, sombi nshina kucana kukalikwa moyo.
Lyalo Jesu ndyaakasena pafwaafwi akubona Jelusalemu, wakalila.
Bakalemba kweelana ambotwakalwiitikwa kubaabo bakabona shintu ishi ameenso kuswa kumatalikilo, abo bakalinga mbobeshikushimikila Makani Abotu.
Mpeeke wakeebaluka maswi akamulwiita Jesu ayi, “Kombwe kaatana kulila, webo Pita ulaakunkaka mankanda otatwe.” Lyalo wakaswita pansengwe, waya walila abuumbi.
Webo oŋumbulusha, ndi mubuumba, moyo wangu waciswa abuumbi.
Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.
Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.
Amubone, bantu babo batacite boowa batokoolobesha mumikwakwa. Beshikwiimikanina babo abo bakaya mukusenga luumuno batoolila abuumbi.
Mumikwakwa bafwala masaka kutondesha buumba. Pashiluli amumisena icanika bantu baanji moonse batoolila cakooloma. Ncakwiila bakopoka abuumbi kukulila.
Bantu baamba ayi, “Bafwambaane kwisa, bese batulilile kushikila meenso esu asulebo minsonshi, ee, kushikila maanshi akunke kuswa mushikoye shesu.”
Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.
Batookulula mitwi yabo ceebo ca ndiwe akufwala masaka. Batookulilila buumpute ceebo ca kupeenga kwa myoyo yabo alimwi akulila bunene.
Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.
Mupeeni wafulwa kwaamba ayi unoolindilabo kusebenseshekwa. Wanonwa akufulwa kwaamba ayi upekwe mumaansa a shikucaya.
