Isaya 2:4 - Baibo Busansulushi Bwa Libuku Ili

⁴ Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Isaya 2:4 교차 참조

Mika 4:3

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Osiya 2:18

Pabushiku ubo ndaakupanga cipangano abanyama bamuluundu, bayuni alimwi atulongolo toonse kwaamba ayi batakacisi tubili bantu bangu. Ndaakumanisha mata amipeeni, ee, kumanisha nkondo mucishi canu coonse. Ncakwiila ndaakulengesha bantu bangu kwikala muluumuno alimwi kwakubula cakulisukama.

Sekaliya 9:10

Mwaami Lesa waamba ayi, “Ndaakukusha shikoci sha nkondo muEfuleemu akukusha maaki a nkondo muJelusalemu. Ncakwiila ndaakutyola mata a nkondo. Mwaami wanu ulaakuleta luumuno pakati ka mishobo. Cishi cakwe cilaakunooswa kulweenge kuya mukushika kulweenge. Cilaakunooswa kuMulonga wa Yufuletisi akuya mukushika kupilila lisuba.”

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Kulumbaisha 46:9

Ulamana nkondo mucishi ca panshi coonse. Ulatyoloola mata akunyonyoola masumo, alimwi ulatenta mayawo mumulilo.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jowelo 3:10

Amufule milomo ya shakulimisha shanu ayi ibe mipeeni. Amufule shakukwesoosha shisamu ayi shibe masumo. Ono abalefukite boonse balyeelete kulwana.

1 Samwelo 2:10

Balwani ba Mwaami Lesa balaakunyonyoolwa, ulaakubakalalila mbuli cilulumo ca mfula kuswa kwiculu, Mwaami Lesa ulaakoombolosha cishi ca panshi coonse. Ulaakupa nkusu mwaami ngwaakasala, mwaami uyo ulaakumulengesha kukoma.”

Kulumbaisha 82:8

Amunyamuke nobaLesa, amoomboloshe cishi ca panshi. Mukwiinga mishobo yoonse ili mumaansaanu.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Isaya 9:5

Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.

Kulumbaisha 110:6

Ulaakoombolosha mishobo yoonse. Ulaakususha mituntu ya bantu mumusena wakulwanina akupwayoola bamaami ba mucishi ca panshi coonse.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Isaya 32:17

Ono ceebo cakwaamba ayi bantu boonse balaakucita shiluleme, mucishi mulaakuba luumuno, ee, mulaakuboolabo tontolo kwamuyayaya.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Jowelo 3:12

Mwaami Lesa waamba ayi, “Mishobo yoonse ilyeelete kulibambila akwisa muCinyika ca Koombolosheshaamo. Lyalo ndaakwisa mukoombolosha bamumishobo yoonse kuswa mumbasu shoonse.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Isaya 42:3

Teshi akatyole litete lisendeme kale, nabi kushimya lilampi litooyanda kushimika. Ulaakuleta bululami ubo cakushomeka.

Osiya 2:20

Ndaakukweeba mukushomeka alimwi ulaakusumina ayi ndime Mwaami Lesa.