Isaya 2:11 - Baibo Busansulushi Bwa Libuku Ili

¹¹ Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 2:11 교차 참조

Kulumbaisha 18:27

Mulapulusha baabo balibombya, sombi mulaboosha panshi abo balisumpula.

Isaya 2:17

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Mika 4:6

Mwaami Lesa wakaamba ayi, “Pabushiku bweenka ubo, ndaakubunganya balema. Ndaakubunganya bali mubusha ee, bantu abo mbondakalengesha kuba mubuumba.

Osiya 2:18

Pabushiku ubo ndaakupanga cipangano abanyama bamuluundu, bayuni alimwi atulongolo toonse kwaamba ayi batakacisi tubili bantu bangu. Ndaakumanisha mata amipeeni, ee, kumanisha nkondo mucishi canu coonse. Ncakwiila ndaakulengesha bantu bangu kwikala muluumuno alimwi kwakubula cakulisukama.

Esekelo 39:22

Lyalo kuswa bushiku ubo kuya kunembo, bene Isilaeli balaakwishiba ayi nebo ndi Mwaami Lesa, Lesa wabo.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

2 Bene Kolinto 10:17

Bweenka bwaamba Malembo akwe Lesa ayi, “Sombi uyo usuni kulilumbaisha, aalilumbaishe paceeco cakacita Mwaami Lesa.”

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

Luka 18:14

Ntoomulwiita ayi musonkeshi wakaboola kumishaabo kaaluleme pameenso akwe Lesa kuteshi muFalisi. Mukwiinga uyo woonse ulisumpula, ulaakuceeshekwa. Awooyo uliceesha, ulaakusumpulwa.”

Sekaliya 9:16

Bushiku ubo bwaakushikila, Mwaami Lesa ulaakupulusha bantu bakwe bweenka mweembeshi mbwaafuna litanga lyakwe kubulwani. Bantu bakwe abo balaakunoobekabeka mucishi cakwe bweenka bubeka mabwe amakwebo kumushini.

Sefaniya 3:16

Bushiku bweenka ubo balaakwaambila Jelusalemu ayi, “Utaloondi webo ondabala ya Siyoni. Utalefuki kuboowa.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Mika 5:10

Mwaami Lesa ulaakwaamba ayi, “Ndaakunyonyoola maaki anu oonse akupwayoola shikoci shanu shoonse.

Obadiya 1:8

Mwaami Lesa utokwaamba ayi, “Pabushiku ubo, ndaakunyonyoola basongo ba muEdomu, bantu abo bacite lushibo ba mumalundu a Esau.

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

Osiya 2:21

“Pabushiku ubo ndaakukumbula kupaila kwako. Ndaakulengesha mfula kuloka pacishi ca panshi.

Osiya 2:16

“Paciindi ico balaakunoonjita ayi beebaangu, teshi bakanjitewo tubili ayi baBaali bangu. Nebo neMwaami Lesa ndaamba.

Esekelo 39:11

Mwaami Lesa waamba ayi, “Bushiku ubu ndaakupa Gogi musena wakubikaako muIsilaeli muCinyika ca Beshikweenda kwicwe lya Lweenge lwa Mwiinyo. Musena uyo ulaakushinkila beshikweenda ceebo Gogi alikoto linene lya bashilumamba bakwe balaakufukilwa nkuko. Aboobo musena uyo ulaakwiitwa ayi Cinyika ca Bashilumamba bakwe Gogi.

Esekelo 38:19

Mubukali bwangu buyoosha abuumbi ndaamba ayi paciindi ico kulaakuba citentanshi cinene mucishi ca Isilaeli.

Esekelo 38:14

Paceebo ceeco, Mwaami Lesa wakantuma kwaambila Gogi ayi, “Mwaami Lesa Shinkusu shoonse waamba ayi, ‘Mubushiku ubo bantu bangu bene Isilaeli baakwikala muluumuno, ulaakunyamuka

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Isaya 52:6

Muciindi citoosa bantu bangu balaakwishiba ayi ndime Lesa. Ncakwiila pabushiku ubo balaakwishiba kwaamba ayi ndime ndakaambila limwi ayi ici cilaakucitika. Ee, ndime ndakacaamba, taaku aumwi.”

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Isaya 29:18

Lyalo pabushiku ubo bashinkite matwi balaakunyumfwa maswi ali mulibuku. Abalo boofu balinga kwikalabo mumunshinshe, balaakulasha akubona.

Isaya 28:5

Pabushiku ubo Mwaami Lesa Shinkusu shoonse ulaakuba anga ngumushini wa bulemu, ulaakuba anga ningala ya maluba yeebeleka, kubantu bakwe beshi bakacaaleewo.

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 4:1

Muciindi ico, banakashi bali bosanwe abobilo balaakucata musankwa womwi akwaamba ayi, “Swebo tunanoolilisha akulifwalika sobeene, ncetutoosengabo nkwaamba ayi mube beebeesu, lyalo musebaanyo wabushike umane pali ndiswe!”

2 Bene Tesalonika 1:10

Shoonse ishi shilaakucitika pabushiku bunene bulya aakwisa mukutambulwa cabulemu akulumbaishikwa kubantu bakwe, nkokwaamba ayi abo boonse bashoma. Amwebo mulaakuba mulikoto lyabo ceebo mwakashoma makani ngotwakamulwiita.

2 Samwelo 22:28

Mulapulusha baabo balibombya, sombi mulaboosha panshi abo balisumpula.

Kulumbaisha 20:8

Balo balaceeshekwa akukomwa, sombi swebo tulasumpuka akushimpa.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Tushimpi 30:13

“Kuli bantu balisumpula, ee, abo balanga babyaabo cakunaama.

Isaya 23:9

Mwaami Lesa Shinkusu shoonse ngowakapinga kucita cintu ici. Wakaciyeeya kwaamba ayi amane kulisumpula kwabo pashintu nshebakacita akunyaya bulemu bantu abo bakalinga kulemekwa cishi coonse.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Mika 2:3

Paceebo ceeco Mwaami Lesa waamba ayi, “Ntooyeeya kumuletela mapensho mwebo nobantu alimwi teshi mukakonshe kulipulusha. Teshi mukanokweendawo cakulisumpula ceebo cilaakuba ciindi ca mapensho.

Kulumbaisha 18:28

Mwebo noBaami baLesa ndimwe munyasha mumuni wa buumi bwangu, mulapalanganya munshinshe kunembo lyangu.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 94:2

Amunyamuke noboomboloshi ba bantu boonse, amuboosheshe beshikulisumpula shintu nshebeelete.

Tushimpi 16:5

Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 14:15

Sombi anaapa waletwa mucuumbwe, ee, kuunshi kwiine kwa musena wa bafu.

Isaya 40:23

Banaabaami ngoobanyaya bulemu bwabo akubalengesha kuba mbuli bamwi boonse. Baleli ba pacishi ca panshi ngoobafuula bwaami bwabo.

Jelemiya 12:9

Bantu mbondakasala baba anga nkayuni kashingulukwa abacikupwi ayi bakalye. Koya ukabunganye banyama bamuluundu boonse ayi abalo bese balye.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.