Isaya 2:10 - Baibo Busansulushi Bwa Libuku Ili

¹⁰ Nobantu, amuyube mushimfwengo mutulundu twa myaandami, nabi kukaba shilindi kwaamba ayi mucice bukali bwa Mwaami Lesa akuyuba nkusu abulemu bwakwe.

Isaya 2:10 교차 참조

Jelemiya 10:7

Anu ngani uteelete kumulemeka, mwebo noBaami ba mishobo yoonse? Ndushinisho bulemu bulyeelete ndimwe. Pabasongo boonse bamumishobo amumalelo abo oonse, taaku ngomweelenaakwe.

2 Bene Tesalonika 1:9

Mulandu wabo ulaakuba kunyonyooka kutamaani. Balaakupansanishikwa kuMwaami wesu Jesu alimwi abulemu bwa nkusu shakwe.

Luka 23:30

Lyalo balaakutalika kwaambila tulundu tunene ayi, ‘Amutuwiite’ alimwi atulundu tuniini ayi, ‘Amutufwekelele.’

Luka 12:5

Ono ntoomutondesha wooyo ngomweelete kuloonda. Amuloonde Lesa uyo weenga amana kucaya mubili ulicite nkusu shakuuwaala mumulilo utamaani. Ee, ntoomwaambila ayi amumuloonde.

Osiya 10:8

Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Isaya 42:22

Sombi aba mbantu bakasaalwa akunyaikwa shintu shoonse. Ncakwiila bamwi bakacatishikwa mushilindi, ee, bamwi boonse balishisitwe muntolongo. Baba shintu shakubwesabo kwakubula ubafunaako. Ee, baba shintu shakusaalabo kwakubula awaamba ayi, “Amubabooshe.”

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Kulumbaisha 90:11

Anu ngani ushi nkusu sha bukali bwanu? Muntu uleendaawo kumuloonda na weshiba bukali bwanu mbobubete.

Jobo 31:23

Ceebo Lesa ndamuloonda abuumbi, inga nshicicitiwo ca mushobo uyo.

Jobo 40:13

Bafukile abo boonse mubulongo akubaangilila mumusena wa bafu.

Kulumbaisha 145:12

Balaakucita boobo ayi bantu boonse bakeshibe shamicito yanu yankusu ashabulemu bwa bweene bwanu bukankamika.

Isaya 25:11

Balaakutandabika maansaabo anga ngumuntu utooyanda kusamba njabwe. Sombi Lesa ulaakumana kulisumpula kwabo nakubi kwaamba ayi balacita shabucenjeshi.

Jelemiya 13:9

“Nebo neMwaami Lesa ndaamba ayi, ‘Munshila njemunya iyi mbweshi nkanyonyoole kulisumpula kunene kwa bene Juda akwa bene Jelusalemu.

Naamu 3:11

Awebo ondabala ya Ninife ulaakukolwa. Lyalo ulaakuya mukuyuba akweelesha kucicila balwani bako.