Isaya 17:6 - Baibo Busansulushi Bwa Libuku Ili

⁶ Ncakwiila mbaniinibo beshi bakapuluke. Lyalo cishi ca Isilaeli cilaakubabo anga ncisamu ca maolifi cayapwa maolifi oonse kulekabo obilo nabi otatwe eenga kaali peculu peene nabi aniini eenga kaali kumisampi ya muunshi bunene. Nebo neMwaami Lesa, Lesa wa bene Isilaeli ndaamba.”

Isaya 17:6 교차 참조

Isaya 24:13

Mbweeke ubo mbweshi cikabe kumushobo womwi awomwi mucishi coonse ca panshi. Cilaakuba bweenka mbociba kushisamu sha maolifi na maolifi aloshekwaako ayalo minyansa yoonse yayapwaako kushisamu sha njiyo.

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.

Bene Loma 9:27

Alakwe Isaya mulaluki mukulukulu wakaamba cankusu pabene Isilaeli ayi, “Nakubi kwaamba ayi bene Isilaeli mbaanji anga ngumuseese uli muloombe lwa lweenge, sombi mbaniini beshi bakapulushikwe.

Obadiya 1:5

“Ono na beepi bamupolela mashiku, balabwesabo nshebasuni. Bantu ndibayapa minyansa, balashiyaako iniini. Ono mwebo balwani banu bamumaninabo limwi.

Boomboloshi 8:2

Alakwe wakabakumbula ayi, “Nebo ncendakonsha kucita taciindi ncemwakacita. Sa tamwishi kwaamba ayi mulimo uniini ngomwasebensa mwebo nobene Efuleemu uleendawo bulemu pawooyo wacita bamucipani cakwe Abiyesa boonse?

Bene Loma 11:26

Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi, “Mupulushi ulaakuswa kuSiyoni, alimwi ulaakulekelela bubi boonse bwa bene Isilaeli.

Mika 7:1

Mbondapenga nebo nemucaangu! Ndababo anga ngumuntu uya cibweselela shisepo shakacaala mumuunda. Sombi taaku cisankata ca minyansa nabi comwi cakacaalaamo cakwaamba ayi inga ndalya, nabibo nkuyu isho nsheensuni abuumbi.

Esekelo 39:29

Teshi nkabafutatilewo tubili ceebo ndaakutila Mushimu wangu pabene Isilaeli. Nebo neMwaami Lesa Shinkusu shoonse ndaamba.”

Isaya 27:12

Pabushiku ubo, Mwaami Lesa ulaakubunganya bantu bakwe womwi awomwi kuswa kuMulonga wa Yufuletisi tibili akunyinsa ya Ijipiti bweenka muntu mbwaapupulusha witi ayi upansaane abuungu.

Isaya 10:22

Ncakwiila nabi bene Isilaeli bulya mbaanji, ee, mbaanji anga ngumuseese wa kuloombe lwa lweenge, mbaniinibo beshi bakacaaleewo akuboola. Bamwi baanji babambilwa kunyonyoolwa ceebo beelela kwaamba ayi banyonyoolwe.

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

1 Baami 19:18

Nakubi boobo ndaakushiyaawo bantu bali 7,000 boomi muIsilaeli, abo boonse bashomeka kuli ndime alimwi batana kufukaminaawo Baali nabi kufyontaawo cibumbwabumbwa cakwe.”

Jelemiya 4:27

Ono Mwaami Lesa waamba ayi, “Cishi coonse cilaakuba luyanga, sombi teshi nkacinyonyoole cakumaninina.