11 nabi shikameene macuunsa eenkaayo ngomwashishangilaamo, taaku nceshi mukatebuleemo. Sombi kulaakubabo mapensho akucisa kutashilikiki.
“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.
Kweelana ambondakacibona, balya bashanga bubi, balatebula bubi. Mbweeke ubo abalo bashanga mapensho, balatebula mapensho.
Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.
Bene Isilaeli balibo anga ncisamu cacatwa bulwashi, ee, balibo anga ncisamu cayuma miyanda ico citakoonshi kucata shisepo. Nabi bakashale baana, ndaakucaya bana babo abo basunikwi.”
Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”
Bwiisu ncakwiila bulamena macuunsa, sombi macolesha bulanyana akuyuma.
Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.
Mulaakulima myuunda ya minyansa alimwi akwiisakwita kabotu, sombi teshi mukayapemo minyansa nabi kunwa waini ceebo bashiluŋongwa balaakwiilya.
Cishi ca Isilaeli cilaakucaalabo bweenka bucaala muunda wa maila waceswa, nabi muunda watebulwa muCinyika ca Lefaimu.
Shili anga ngamaila shamana kufwa mubulongo buyumu. Taaku shili anga ngamaila shakubika kubutala. Paceebo ceeco matala oonse atoonyonyookabo.
