Isaya 16:3 - Baibo Busansulushi Bwa Libuku Ili

³ Batokwaambila bene Juda ayi, “Amutulwiiteeko mbweshi tucite. Amutupeeko muyeeyo wakucita. Amutufuneeko bweenka cimfule mbocitontosha ciindi lisuba ndiliba pakati ka mutwi cilimo. Twacicila kokuno ayi mutushiseeko, mutatwaabi kubalwani besu.

Isaya 16:3 교차 참조

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.

Mateyo 25:35

Ceebo ndindakafwa nsala, mwebo mwakampa cakulya, ndindakafwa nyotwa mwebo mwakampa cakunwa, andindakalinga mweensu mwebo mwakantambula.

Sekaliya 7:9

“Kalekale ndakapa milawo iyi kubantu bangu ayi, ‘Mulyeelete koombolosha cakutanyengelela, kutondesha luse akunyumfwila nkumbu muntu womwi awomwi.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Isaya 56:8

Mwaami Lesa Shinkusu shoonse ee, uyo wakayobolola bene Isilaeli bakalinga mubusha waamba ayi, “Ndaakuyobolola abamwi peculu lya baabo bakesa kale.”

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Boomboloshi 9:15

Sombi muumfwa wakakumbula ayi, ‘Na ncakwiila mulisuni ayi mbe mwaami wanu, amwise mookeshe mucimfule cangu. Na mukake, ingayi mulilo utooswa kumiyanda yangu akutenta shisamu sha sida sha kuLebanoni.’ ”

Isaya 58:7

Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?