Isaya 14:3 - Baibo Busansulushi Bwa Libuku Ili

³ Mwaami Lesa ulaakwaangulula bene Isilaeli kuswa kushuumo, mapensho alimwi akuncito iyumu iyo njebakalinga kukakatishikwa kucita.

Isaya 14:3 교차 참조

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Isaya 32:18

Lyalo bantu bangu balaakwikala mumaanda a luumuno, mutaamu cakulisukama alimwi mutaamu cibapilinganya.

Sekaliya 8:8

Ndaakubaboosha kwaamba ayi bakanookala muJelusalemu alimwi. Balaakuba bantu bangu anebo ndaakuba Lesa wabo ubalela cakushomeka alimwi cabululami.”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Esekelo 28:24

Mwaami Lesa waamba ayi, “Bene Isilaeli teshi bakabewo tubili abeshikamukobonyinaabo babapatite bali anga nshisonsoonya shicisa amyuumfwa ikolete. Lyalo ndyeshi bakeshibe ayi nebo ndi Mwaami Lesa Shinkusu shoonse.”

Jelemiya 50:34

Nakubi boobo nebo neShikubalubula ndicite nkusu. Mwaami Lesa Shinkusu shoonse ndyeliina lyangu. Ndushinisho ndaakubafuna akuleta luumuno mucishi cabo. Sombi ndaakumana luumuno pabaabo bekala muBabiloni.”

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Dutolonomi 28:48

mulaakusebensela balwani abo Mwaami Lesa mbweshi akatume ayi bamulwaane. Mulaakubula cakulya, maanshi alimwi ashakufwala, taaku cintu nabi comwi nceshi mukabaaco. Mwaami Lesa ulaakumupensha abuumbi kushikila akamunyonyoole.

Sekaliya 8:2

“Maswi angu nebo neMwaami Lesa ngaaya. Ndabala ya Siyoni ndiisuni abuumbi. Busuba bwangu pandabala iyo butoofutilabo muli ndime anga ngumulilo mukubililisha balwani ba njiyo.

Isaya 40:2

Amuyumyeyumye bantu bangu. Mubaambile ayi bapenga paboneka. Ono shibiibi shabo shalekelelwa. Ncakwiila ndakabapa mulandu kweelana ashibiibi shabo shoonse.”

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Jelemiya 30:8

Mwaami Lesa Shinkusu shoonse waamba ayi, “Pabushiku ubo ndaakutyola lijoko ndyebaangitwe munshingo akusutoola ntaambo nshebaangitwe. Baswamashi teshi bakabacatewo tubili busha.