Isaya 14:29 - Baibo Busansulushi Bwa Libuku Ili

²⁹ Mutasangalali mwebo nobene Filisiti kwaamba ayi Asilya, iyo nkoli ya bweendeleshi yalinga kumuuma yatyoka. Ceebo kuswa kumushobo wa nsoka ilya, kulaakuswa mpili. Mumpili mulaakuswa cifukufuku ucite busoka bucaya.

Isaya 14:29 교차 참조

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Isaya 11:8

Kateta ulaakukonsha kusekanina pabulyango bwa fumbe, Mwanike ulaakukonsha kunjisha lyaansa kubulyango bwa mpili cakutalumwa.

2 Makani 26:6

Mpeeke Usiya wakaya mukulwana bene Filisiti. Wakapwaya lilinga lya ndabala ya Gati, Jabune alimwi alya Ashidodi. Lyalo wakayakulula mandabala amwi kufwaafwi andabala ya Ashidodi akumisena imwi ya muFilisitiya.

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Mika 7:8

Nobalwani besu, mutalisumpuli pali ndiswe. Nabi twawa, tulaakubuka. Nabi tube mumunshinshe, Mwaami Lesa ulaakuba mumuni wesu.

Obadiya 1:12

Temwakalinga kweelete kukondwa ceebo ca mapensho abamakwabanu bene Juda, nabi kusangalala pabushiku ndibakalinga kunyonyoolwa, nabi kulisumpula ceebo cakuungumana kwabo.

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Esekelo 35:15

Cilaakusangalala bweenka webo mbowakasangalala cishi ca Isilaeli, ee, cishi cangu, ndicakanyonyoolwa. Ulaakuba luyanga, oKalundu ka Siya, ee, webo a cishi ca Edomu coonse. Lyalo bantu boonse ndyeshi bakeshibe ayi nebo ndi Mwaami Lesa.”

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’

Tushimpi 24:17

Utasangalali na wabona mulwani wako wawa, ee, utakoondwi na wamubona walisuntula.

2 Makani 28:18

Bene Filisiti abalo bakaya mukulwana mandabala a mutulundu alimwi amuNegefu kuJuda. Bakaya bakoma ndabala ya Beti Shemeshi, Aijaloni, Gedeloti, Soko, Timina alimwi aya Gimuso pantu pomwi amishi yakalinga kwaashingulukite. Lyalo bakekalaamo.

2 Baami 18:8

Wakakoma bene Filisiti akunyonyoola mandabalaabo oonse, kuswa kumishi iniini kushikila kumandabala anene kubikaawo aGasa amisena ishingukulukite.

Joshuwa 13:3

ico ciswa kuMulonga wa Shiwo kwicwe lya cishi ca Ijipiti, kuya mukushika akuEkiloni kulubasu lwakumatwa, coonse cakalinga ca bene Kenani, cishi ca bamaami bosanwe ba bene Filisiti, nkokwaamba ayi Gasa, Ashidodi, Ashikeloni, Gati alimwi aEkiloni pantu pomwi aceeco ca bene Afi

Shakubelenga 21:8

Mpomunyaawo Mwaami Lesa wakalwiita Mose ayi apange nsoka ya bulonse akuyaanjika pacisamu kwaamba ayi woonse weenga walumwa inga walanga kuli njiyo akuba kabotu.

Isaya 2:6

NobaLesa mwafutatila bantu banu bamulunyungu lwakwe Jakobo! Amubone cishi cabo cesulabo kwishibila kwa bakwicwe abuŋanga anga mbene Filisiti. Bantu banu balanyumfwana abaswamashi.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Jelemiya 47:1

Mwaami Lesa wakaŋambila nebo neJelemiya maswi aya pabene Filisiti, Falawo kaatana kulwana bene Gasa.

Malilo 2:17

Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Esekelo 25:15

Mwaami Lesa Shinkusu shoonse waamba ayi, “Bene Filisiti bakaboosha cishole amyoyo yalunkutwe amfundilishi njebakalinga kucite kumyoyo ayi banyonyoole bene Juda balwani babo bakulukulu.

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Amosi 1:6

Mwaami Lesa waamba ayi, “Bene Gasa bakalinga kubisha lyobilo lyobilo, aboobo ndushinisho ndaakubapa mulandu. Bakatola busha mishobo yoonse ya bantu akuya mukuboolisha kubene Edomu.

Amosi 1:8

Ndaakunyonyoola mwaami wa bene Ashidodi, ncakwiila uyo ulela mundabala ya Ashikeloni. Ndaakupa mulandu ndabala inene ya Ekiloni kushikila abene Filisiti bakamane kufwa. Nebo neMwaami Lesa Shinkusu shoonse ndaamba.”

Sefaniya 2:4

Ndabala ya Gasa balaakwiishiya, ayalo ndabala ya Ashikeloni ilaakuba matongo. Lisuba lyakushika pakati ka mutwi bene Ashidodi balaakutandaanishikwa ayalo ndabala ya Ekiloni ilaakumwayululwa.

Sefaniya 2:5

Mapensho kuli ndimwe nobene Filisiti, mwebo nomwikala mulombe lwa lweenge. Maswi a Mwaami Lesa atokwaamba pamapensho ako webo ocishi ca Kenani ca bene Filisiti. Maswi ayo aamba ayi, “Ndaakukunyonyoola alimwi taaku eshi akacaaleewo.”

Sekaliya 9:5

Mwaami Lesa waamba ayi, “Bene Ashikeloni balaakucibona akuloonda. Bene Gasa balaakunoosalookabo kumyoyo kucisa. Abalo bene Ekiloni balaakunoocita bweenka ubo ceebo kulangila kwabo kwashimingana. Ncakwiila bene Gasa balaakubula mwaami. Ndabala ya Ashikeloni ilaakucaalabo kwakubula bantu.