Isaya 14:24 - Baibo Busansulushi Bwa Libuku Ili

²⁴ Mwaami Lesa Shinkusu shoonse washomesha cakulumbila ayi, “Bweenka mbondakayeeya, ncakwiila mbweshi cikabe, ee, bweenka mbondakabamba, bweenka ubo mbociimfwi.

Isaya 14:24 교차 참조

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Jobo 23:13

“Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Milimo ya Batumwi 4:28

Bakabungana pantu pomwi kwaamba ayi bacite shoonse isho mwebo nshemwakalinga kubambite kale kwiinda munkusu shanu alimwi akuyanda kwanu.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Amosi 8:7

Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.

Malilo 3:37

Anu ngani weenga waamba makani akucitika acitika? Ee, ngani ukonsha kucita cintu ico Mwaami Lesa ncaatakwe kusuminisha?

Bene Ebulu 4:3

Nkokwaamba ayi swebo sotushoma muli Lesa ono twenjila mukookesha uko. Kweelana abwakaamba Lesa ayi, “Ndakakalala akushomesha cakulumbila ayi, ‘Teshi bakenjileewo mucishi umo mondalinga kweelete kubapa kookesha!’ ” Lesa wakaamba boobo nakubi kwaamba ayi wakamanisha milimo yakwe yoonse ndyaakalenga cishi coonse.

Jelemiya 23:20

Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 92:5

Micito yanu njinene abuumbi, noBaami baLesa! Miyeeyo yanu noBaami baLesa, njiyumu kwishiba.

Kulonga 17:16

Alimwi wakaamba ayi, “Amunyamune mbembela ya Mwaami Lesa mwiculu! Mwaami Lesa ulaakutolelela kulwana abene Amaleki inshiku shoonse!”

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Jelemiya 44:26

Ono amukutike liswi lya Mwaami Lesa, mwebo nobaJuda noonse nomuli muIjipiti. Waamba ayi, ‘Ndashomesha cakulumbila muliina lyangu linene ayi taaku nabi womwi wakaswa kuJuda ushiite kuli koonse muIjipiti weshi akasebenseshe tubili liina lyangu mukushomesha cakulumbila ayi, Bweenka mbocibete lushinisho ayi Mwaami Lesa Shinkusu shoonse ngumuumi.

Kulumbaisha 33:10

Mwaami Lesa ulanyonyonganya miyeeyo ya bantu bakunsengwe, ee, ulalengesha bantu abo kubula kucita miyeeyo njebabamba.

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 19:12

Ino ono basongo bako Falawo bali kuli bulya? Na nkobali abakushibishe isho Mwaami Lesa Shinkusu shoonse nshaapingite kucita kucishi ca Ijipiti.

Isaya 19:17

Cishi ca Juda cilaakunooloondesha bene Ijipiti, kulilabo weshi akanyumfwe shacishi ca Juda ulaakuloonda. Ulaakuloonda ceebo ca sheesho Mwaami Lesa Shinkusu shoonse nshaakapinga kucita kucishi ca bene Ijipiti.

Isaya 55:8

Mwaami Lesa waamba ayi, “Miyeeyo yangu teebete mbuli yaanu. Ashalo nshila shangu shilipusene ashaanu.

Isaya 55:9

Bweenka liculu mbolili kulaale acishi ca panshi, mbweeke ubo miyeeyo yangu mbweebete kulaale ayaanu. Ashalo nshila shangu mboshibete kulaale ashaanu.

Jelemiya 49:20

Paceebo ceeco amunyumfwe isho nebo neMwaami Lesa nshendakapinga pabene Edomu, munyumfwe sheesho nsheensuni kucita kubaabo bekala kundabala ya Temani. Bana babo boonse balaakukwelanishikwa akutolwa. Ndaakunyonyoola cishi cabo.

Jelemiya 50:45

Paceebo ceeco amunyumfwe isho nebo neMwaami Lesa nshendakapinga pabene Babiloni, munyumfwe sheesho nsheensuni kucita kubantu abo. Bana babo boonse balaakukwelanishikwa akutolwa. Ndaakunyonyoola cishi cabo.

Esekelo 12:25

Mukwiinga nebo nemwiine neMwaami Lesa ndimeshi nkanokwaamba alimwi isho nsheshi nkanokwaamba shilaakunoocitika cakutasowaawo ciindi, sobwe. Munshiku shanu mwebo nobamumushobo waashu, ndaakucita kulila coonse ico nceendakaamba. Nebo neMwaami Lesa Shinkusu shoonse ndaamba.”

Esekelo 39:4

Ulaakuwita patulundu twa Isilaeli, webo, bashilumamba bako boonse alimwi amishobo imwi iyo njeshi ukanooli ayo. Ndaakukusandula kuba cakulya ca bayuni bapusenepusene balya nyama aca banyama ba muluundu.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Matalikilo 41:32

Ciloto ncecaboolelaawo nkwaamba ayi Lesa wabamba kale cikani ici alimwi ulaakulengesha ayi cicitike coonoonobo.

Joshuwa 11:20

Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.