Isaya 14:12 - Baibo Busansulushi Bwa Libuku Ili

¹² “Anu wawa buyani kuswa kwiculu webo Ontanda, onyenyeenshi yakumuyamaca? Waloshelwa pacishi ca panshi webo nowakalinga kukoma shishi shoonse.

Isaya 14:12 교차 참조

Luka 10:18

Jesu wakabakumbula ayi, “Ndakamubona Satana kaaloka kuswa kwiculu mbuli kubeka kwa mfula.

Ciyubululo 8:10

Munjelo watatu alakwe wakalisha lupeenga lwakwe. Lyalo nyenyeenshi inene yakalinga kubeka anga ncimunimweenge, yakaswa kwiculu akulokela pacipansha catatu ca milonga alimwi atuntupu twa maanshi.

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

Isaya 34:4

Lyalo nyenyeenshi shoonse sha kwiculu shilaakusunguluka, alyalo liculu lilaakufungeelwabo anga nimpasa. Shoonse shibala mwiculu shilaakumana kuloka. Shilaakunoolokabo anga ngamatewu a cisamu ayuma, nabi anga ninkuyu shanyana shitooloka kucisamu.

Ciyubululo 2:28

Ndaakumupa anyenyeenshi iitwa ayi ntanda.’

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

Ciyubululo 9:1

Mpeeke munjelo wasanu wakalisha lupeenga lwakwe. Lyalo ndakabona nyenyeenshi yakalokela pacishi ca panshi, yakapekwa cakucalwisha mucilindi citeeli.

Jelemiya 50:23

Babiloni wakapwayoola cishi coonse ca panshi anga ninsando. Ono nsando iyo yapwayoolwa njiyo cakumaninina! Mishobo imwi yoonse yakankamana kuceeco cacitika kucishi ca Babiloni.

Isaya 13:10

Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Jelemiya 51:53

Nabi Babiloni akatante kwiculu akuyaka ciyubilo ciyumu uko, ndaakutuma beshikunyonyoola kuya mukumulwana. Nebo neMwaami Lesa ndaamba.”

Malilo 2:1

Mwaami Lesa wakafwekelesha ndabala ya Siyoni alikumbi lya bukali bwakwe! Wakaceesha ndabala iyo yakalinga bulemu bwa bene Isilaeli. Mubukali bwakwe wakaluba aŊanda yakwe.

Esekelo 26:17

Kuswawaawo balaakulila buumba pali ndimwe akwaamba ayi, Ino wanyonyooka buyani ondabala icite mpuwo! Bantu bako bakalinga kweendela mumaato palweenge! Ncakwiila bantu bako mbobakalinga kulela lweenge, alimwi bakalengesha baabo bakalinga muloombe lwa lweenge kuloonda abuumbi.

Obadiya 1:4

Nabi muuluke akuya mwiculu abuumbi anga ngumumbankwashi, akuyakila ŋanda yanu pakati ka nyenyeenshi, nebo ndaakumuboosha panshi. Nebo neMwaami Lesa ndaamba.”