Isaya 11:6 - Baibo Busansulushi Bwa Libuku Ili

⁶ Baumpe balaakwikala pantu pomwi abana ba mbelele, Abalo bashiluwe balaakunoosekana ampongo. Boombe balaakunoolita pantu pomwi abana ba nkalamu. Shoonse ishi shilaakunookweembelwabo kukanike.

Isaya 11:6 교차 참조

Isaya 65:25

Muciindi ico baumpe balaakunoolyabo pantu pomwi ambelele. Inkalamu shilaakunoolya bwiisu anga niŋombe sombi yalo nsoka ilaakunoolya bulongo ono teshi shikanoolumaawo. Ncakwiila pakalundu kangu kasalalite teshi pakabewo ciluma nabi cinyonyoola.” Mwaami Lesa waamba.

Osiya 2:18

Pabushiku ubo ndaakupanga cipangano abanyama bamuluundu, bayuni alimwi atulongolo toonse kwaamba ayi batakacisi tubili bantu bangu. Ndaakumanisha mata amipeeni, ee, kumanisha nkondo mucishi canu coonse. Ncakwiila ndaakulengesha bantu bangu kwikala muluumuno alimwi kwakubula cakulisukama.

Esekelo 34:25

Kuswawaawo ndaakupanga cipangano ca luumuno a nshisho akukusha banyama ba muluundu mucishi kwaamba ayi shikekale muluyanga nabi mumusaansa kwakubula cakulisukama.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Jobo 5:23

Myuunda njeshi ukanoolima teshi ikabeewo amabwe alimwi banyama ba muluundu teshi bakakuluume.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.