Isaya 11:4 - Baibo Busansulushi Bwa Libuku Ili

⁴ Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 11:4 교차 참조

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.

Malaki 4:6

Lakwe ulaakulengesha bamashali basankwa ayi batalike alimwi kunyumfwana abana babo. Na bakabule kucita boobo, ndaakwisa mukunyonyoola cishi canu.”

Jobo 4:9

Lesa ulabanyonyoola anga ncipuupu cinene ncakwiila bukali bwakwe bulabalobya.

Mateyo 5:5

“Balicite coolwe abo balibombya, mukwiinga Lesa ulaakubapa cishi ncaakabashomesha.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.

Bene Galatiya 5:23

kulibombya alimwi akulitibuka. Taaku mulawo ukasha shintu ishi.

Jelemiya 33:15

Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Kulumbaisha 2:9

Ulaakweendelesha mishobo ankooli ya ceela, akwiipwayoola anga nshintu shakubumba.’ ”

Ciyubululo 2:16

Ono sanduka kuswa kushibiibi shako. Na ubule kusanduka, ndaakwisabo onoono kuli ndiwe mukulwana abantu abo amupeeni uswa mumulomo wangu.’

Ciyubululo 1:16

Mulyaansa lyalulyo wakalinga kucite nyenyeenshi shosanwe ashobilo, amwalo mukanwa mwakaswa mupeeni ukolete koonse koonse. Ciwa cakwe cakalinga kuboneka anga ndisuba lyashika pakati ka mutwi cilimo.

Taitasi 3:2

Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse.

Isaya 32:1

Amubone kulaakuba mwaami weshi akanoolela cabululami. Abalo beendeleshi balaakunokweendelesha cakutanyengelela.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 16:5

Kuswawaawo cuuna ca bwaami cilaakutulwa mulusuno. Wamulunyungu lwakwe Defedi womwi ulaakukalaawo cakushomeka. Lakwe ulaakunokoombolosha cakutanyengelela. Ncakwiila ulaakunoobilemebo kucita bululami.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

Milimo ya Batumwi 9:1

Paciindi ico, Saulo wakalinga kupensha bantu bakalinga kukonkela kwiisha kwakwe Jesu alimwi akupinga kubacaya. Wakaya kumupailishi munene

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Sefaniya 2:3

Amuyandoole Mwaami Lesa noonse mwebo nobantu babombu ba mucishi, mwebo nomukonkela milawo yakwe. Amuyandoole bululami alimwi mulibombye. Mpashi mulaakutabililwa pabushiku Mwaami Lesa ndyeshi akatondeshe bukali bwakwe.

Jelemiya 5:28

Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Kulumbaisha 110:2

Mwaami Lesa ulaakukomenesha bwaami bwako bwa nkusu kuswa kuSiyoni. Ndushinisho ulaakulela pakati pabalwani bako.

Kulumbaisha 18:8

Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 14:30

Bakandu beelaako kubukandu balaakuba ashakulya. Ncakwiila bataaku mbobabete balaakwikala kwakubula cakulisukama. Sombi mwebo abamulunyungu lwanu ndaakumucaya kunsala. Taaku nabi womwi weshi akapuluke kunsala iyo.

Isaya 26:6

Ono myeendo yeenka ya baabo mbobakalinga kulyatilila, njeitokwiindaawo, ncakwiila myeendo ya bakandu njeitoolyatoolaawo.

Isaya 30:28

Kuyoya kwakwe kuli anga ngumulonga wasefuka utolelela shintu shoonse. Ulaseba mishobo ya bantu musefa walunyonyooko. Mumicendwa yabo ulabikaamo tweela twakubeensheshaako kubapambusha munshila ibotu.

Isaya 30:31

Bene Asilya balaakulenshekwa boowa pakunyumfwa liswi lya Mwaami Lesa aakubooma nkoli yakwe ya bwaami.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 40:7

Bwiisu bulayuma aalo maluba alaloka, ceebo muuwo wa Mwaami Lesa washipuupila. Ndushinisho buumi bwa bantu bulibo anga mbwa bwiisu.

Isaya 49:2

Mpeeke wakalengesha maswi kukola anga ngumupeeni. Wakandama alyaansa lyakwe mwiine. Wakansemuna bweenka bucitwa mufwi akunengesha kulibambila kusebenseshekwa.

Jobo 15:30

Munshinshe wa lufu teshi akoociceewo. Ulaakuba anga ncisamu ico capitwa misampi. Lyalo cipuupu cinene ciswa kuli Lesa cilaakumupepelusha akumutola.

Kulumbaisha 76:10

Ncakwiila bukali bwanu kubabiibi bulamuletela bulemu. Abalo abo bapuluka kubukali bwanu balaakwikala muliimfwa lyanu.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Osiya 6:5

Paceebo ceeco ndakatuma balaluki bangu kwisa mukwaambilisha milandu akunyonyoolwa kwanu pakati kanu. Bupingushi bwangu bulibweneketebo patuba.