Isaya 11:3 - Baibo Busansulushi Bwa Libuku Ili

³ Ncakwiila alakwe ulaakunoosangalala mukuloonda Mwaami Lesa. Lakwe teshi akanokoombolosha kwiinda mukulangilishabo muntu, nabi kwiinda mushintu shakunyumfwanyumfwabo.

Isaya 11:3 교차 참조

Joni 7:24

Amucileeke koombolosha kwiinda mukulanga muntu mbwaabete, mutalike koombolosha kweelana amulandu mboobete.”

Luka 2:52

Jesu wakakula muciimo amubusongo alimwi wakaba mwaana ukondelesha Lesa abantu boonse.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

Tushimpi 2:5

Lyalo ulaakwishiba kuloonda Mwaami Lesa alimwi ulaakuba alushibo loonse lwa pali Lesa.

Bene Ebulu 5:14

Sombi shakulya shiyumuyumu nsha bamanene. Kwiinda mukusebensesha maano, balakonsha kupansaanya cibotu acibiibi.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

Tushimpi 2:9

Lyalo ulaakwishiba kucita shintu shiluleme, koombolosha cakululama alimwi cakubula kasalulushi. Nkokwaamba ayi ulaakwishiba shibotu shoonse nshooelete kucita.

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

2 Samwelo 14:17

Ono nemusebenshi wanu ntokwaamba ayi, ‘Maswi anu nobaami aabe aayo eshi ankalike moyo, mukwiinga nkambo nobaami mulibo anga ngumunjelo wakwe Lesa mukwishiba cibotu acibiibi. Mwaami Lesa, Lesa wanu abe amwebo’ ”

Joni 2:25

Taakalinga kulindila ayi umwi muntu amulwiite shabuumi bwa bantu mukwiinga wakalinga kwishi mwiine shili mumyoyo yabo.

Jobo 34:3

Ceebo matwi ngaanyumfwa maswi bweenka mulaka mboonyumfwa shakulya.

Jobo 12:11

Sa matwi taashibi kubota kwa maswi, bweenka mulaka mbooshiba kubota kwa shakulya?

Isaya 33:6

Ulalengesha mushobo wa bantu kutatenkaana. Ulatabilila bantu bakwe akubapa busongo alushibo. Buboni bwa shintu shoonse ishi inga babucanabo kwiinda mukumuloonda.

Esekelo 45:8

Cishi ico nceshi cikabe cipansha ca muleli mucishi ca Isilaeli kwaamba ayi atakanoolyatilila bantu, sombi ulaakulekela bene Isilaeli shipansha shimwi sha cishi ayi nshabo kweelana amikowa yabo.”

Mika 4:3

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

2 Samwelo 14:8

Lyalo Mwaami wakakumbula ayi, “Boolela kuŋanda, ntoobikaako maano kucikani ici.”