Isaya 10:3 - Baibo Busansulushi Bwa Libuku Ili

³ Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Isaya 10:3 교차 참조

Luka 19:44

Balaakukumwayulula akunyonyoola boonse bekala muli ndiwe, alimwi teshi bakashiye libwe palibwenyina mukwiinga tookwe kwishiba ciindi Lesa ndyaakesa mukukupulusha.”

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Jobo 31:14

ino nendakashika buyani pameenso akwe Lesa? Anu nendakaamba buyani pakwisa mukuŋombolosha?

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Isaya 26:21

Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Isaya 20:6

Ciindi ico caakushikila bantu abo bekala muloombe lwa lweenge umu balaakwaamba ayi, ‘Amubone cacitika kubaabo mbotwalinga kucinkitemo manungo, ee, abo mbotwalinga kucicilaako ayi batucaafwe akutufuna kuswa kumwaami wa bene Asilya! Ono bulya inga twapuluka buyani?’ ”

Isaya 5:26

Ono Mwaami Lesa ulaakunyamuna mbembela mwiculu akwiita mishobo ili kulaale. Bantu abo ulaakubalishisha muloshi kwaamba ayi bese kuswa kweela cishi. Ncakwiila abalo balaakwisa cakufwambaana abuumbi.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Isaya 39:3

Mpomunyaawo Isaya mulaluki wakaya mukwiipusha mwaami Esekiya ayi, “Ino bantu balya baswa kuli alimwi baamba ayinshi?” Esekiya wakakumbula ayi, “Baswabo kulaale, kucishi ca Babiloni.”

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Isaya 30:16

Mwebo mwakaamba ayi, ‘Sobwe. Swebo tulaakucica pamaaki esu.’ Anu ncibotu mulaakucica. Mwakaamba ayi, ‘Tulaakucica pamaaki esu eendaawo kucica.’ Sombi beshibakanooya cimutandaanya balaakumwiindaawo lubilo.

Isaya 5:14

Paceebo ceeco cuumbwe calakaminaako alimwi cilicitekobo kwiita. Ncakwiila cilaakumina bacinenenene ba muJelusalemu abantubo bamwi baanji, ee, beshinkondo abamukondwa kumangweengwe.

2 Baami 7:15

Basankwa abo bakakonkela bene Silya cakuya mukushika kuMulonga wa Joodani. Munshila yoonse bakalinga kuya bucana shakufwala ashisebensesho nshebakashiya ndibakacica. Lyalo bakaboolela mukuluula kumwaami.

Matalikilo 31:1

Jakobo wakanyumfwa kwaamba ayi bana bakwe Labani basankwa batokwaamba ayi, “Jakobo wabwesa shintu shoonse shalinga kucite baishiwesu. Buboni bwakwe boonse bwaswa kushintu sha baishiwesu.”

Osiya 5:13

“Bene Isilaeli ndibakabona mbobakalinga kucisitwe, abalo bene Juda ndibakabona shilonda shabo, bene Isilaeli bakaya mukusenga lucafwo kumwaami wa bene Asilya. Sombi taakalinga kukonsha kubashilika nabi kushilika shilonda shabo.

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 17:4

“Pabushiku ubo bulemu bwa bamulunyungu lwakwe Jakobo bulaakuba anga ninsalu yamana mubala. Mumusena wakuba babile balaakuba bakandu.

Isaya 26:14

Ono bulya balifwite, ncakwiila tabacibete boomi. Teshi bakabukeewo musongo ceebo mwebo mwabapa mulandu akubanyonyoola. Ndushinisho taaku eshi akabeebalukeewo tubili.

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Isaya 30:5

boonse balaakulenshekwa nsoni ceebo ca mushobo utakoonshi kubacafwa. Ee, ceebo ca mushobo uyo utabaleteliiwo lucafwo nabi coolwe, sombibo nsoni alimwi amusebaanyo.”

Isaya 30:7

Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”

Jelemiya 4:30

Utoocitanshi webo ondabala yakanyonyoolwa? Utoofwalilanshi shisani shifubelafubela akufwala shakulibotesha sha golodi? Ino walinanikilanshi shakulibotesha mumeenso? Bana utoolipenshabo kulibotesha. Abo bakalinga kukusuni, bakakusuula. Bulya batoopinga kukucaya.

Jelemiya 9:9

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu? Nebo neMwaami Lesa ndaamba.”

Jelemiya 22:7

Ndaakutuma beshi bakeenyonyoole. Womwi awomwi ulaakunoocite ashilwanisho shakwe. Balaakutema macinko ako a sida akwaasowela mumulilo.

Osiya 9:5

Ono na ciindi cakusekelela kwakulemeka Mwaami Lesa cashikila mwebo mulaakunoocita buyani?

Mika 7:4

Muntu waambwa ayi uli kabotu kwiinda bamwi ulibo anga nshisonsoonya kubica. Alakwe uyo waamba ayi ululeme kwiinda boonse ulibo anga ncisamu ca myuumfwa kubica. Bushiku bwashikila Lesa ndyeshi ape bantu mulandu bweenka mbwaakabacenjesha kwiinda mubeshikulindilila bakwe balaluki. Ubu mbobushiku bwabo bwa cimfulunganya.

Isaya 28:20

Ncakwiila mulaakubabo anga ngumuntu wa mukashimpi, uyo weelesha koona pabulo bufwaafwi cakutandabala, bucite linduumba liniini cakutakwana kulifweka kabotu.

Amosi 5:19

Cilaakuba anga ngumuntu utoocica nkalamu, nakubi boobo wakumana abeya. Ono ayi enjile muŋanda yakwe akuyaamina kulubumbu, walumwa nsoka.