10 Ncakwiila ndakakoma malelo aanji a baabo bakalinga kulambila shibumbwabumbwa, shibumbwabumbwa shiinji kwiinda sha muJelusalemu amuSamaliya.
Mbweeke muntu mbwaanjisha lyaansa muciinswa, anebo mbondakabwesa buboni bwa mishobo. Bweenka muntu mbwaabunjika mayi acaala cisuukila, mbweeke ubo mbondakabunganya shishi shoonse. Ncakwiila kwakubula nabi womwi upipila nabi ukosokaawo.”
Bene Asilya bakalinga kwaamba pali Lesa wa bene Jelusalemu bweenka mbobakalinga kwaamba pabalesa ba shishi shimwi abo bakalinga kubumbwa amaansa a bantu.
Nobaami besu, lyaansa lyanu lilacata balwani banu, tabakoonshi kupusumuka mulyaansa lyanu lyalulyo.
Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.
