Isaya 1:8 - Baibo Busansulushi Bwa Libuku Ili

⁸ Ndabala ya Siyoni yacaalabo yeenka anga nkatungu pakati ka muunda wa minyansa, nabi anga nkaanda kali mumuunda wabanamunwa. Ncakwiila yacaalabo anga nindabala ishingulukitwe abashilumamba.

Isaya 1:8 교차 참조

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Joni 12:15

“Utaloondi, ondabala inene ya Siyoni! Bona mwaami wako ngooyo utoosa, Kaatantite pamwanaambongolo.”

Sekaliya 2:10

Mwaami Lesa waamba ayi, “Amoolobeshe akusangalala nobene Siyoni ceebo ntoosa mukwikala pakati kanu.”

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Isaya 10:32

Sunu balwani batooya mukwiimikana kuNobu. Sunu kalundu ka Siyoni, ee, ka Jelusalemu batookafungila makoofi.

Malilo 2:6

Wakamwaya Ŋanda yakwe ayi ibe anga ngumuunda, ee, kunyonyoola Ŋanda umo motwakalinga kumulambilila. Mwaami Lesa walengesha Siyoni kuluba nshiku shakusekelela ashakookesha sha Cibelu. Mwaami amupailishi boonse bakanyumfwa nkusu sha bukali bwakwe.

Malilo 2:1

Mwaami Lesa wakafwekelesha ndabala ya Siyoni alikumbi lya bukali bwakwe! Wakaceesha ndabala iyo yakalinga bulemu bwa bene Isilaeli. Mubukali bwakwe wakaluba aŊanda yakwe.

Isaya 37:22

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Isaya 4:4

Mwaami Lesa ulaakusansha bubi bwa banakashi bene Siyoni. Ulaakusansha ashibala shibala sha bulowa mundabala ya Jelusalemu. Ishi ulaakushicita kwiinda mukusebensesha muuya wakoombolosha amuuya usalasha wa mulilo.

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Jobo 27:18

Ŋanda njaayaka ili mbuli yakwe shimutangatanga, nabi mbuli katungu ka shikulindilila kumyuunda.

Jelemiya 4:17

Balaakwaashingulukabo anga mbantu batoolindilila muunda, ceebo bangashukila. Nebo neMwaami Lesa ndaamba.’

Isaya 8:8

Balaakupyanga cishi ca Juda anga ngamaanshi aanji asefuka cakushika munshingo akufwekelesha shintu shoonse.” Imanuweli! Nkokwaamba ayi Lesa uli aswebo! Mapapaminwa akwe afungulukite alaakutabilila cishi coonse.

Isaya 1:7

Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Isaya 49:21

Lyalo mulaakulyaamboosha mumyoyo yanu ayi, ‘Ngani wakanshalila baana boonse aba? Ndakalinga ndaba anga ndafwitwa baana boonse alimwi anga nshishali. Ndakalinga ndatandaanishikwa muno mumisheesu akukakwa. Ino ono wakaleta baana boonse aba ngani? Ncakwiila ndakalinga ndacaalabo neenka, ino aba boonse baswa kuli?’ ”

Jelemiya 6:2

Ndaakunyonyoola Siyoni, ndabala iyo ibotu abuumbi.

Isaya 29:3

Ee, ndaakukubika mukati kwaamba ayi nkulwaane. Ndaakukushingulusha maanda alaamfu a beshikulindilila alimwi ndaakukushingulusha citunta cakutantilaawo pakukulwana.

Isaya 30:17

Bashilumamba banu bali cuulu balaakukongwa akucica kumulwani womwi. Ingayi bali bosanwe, likoto lyanu lyoonse lilaakucica. Taaku nabi womwi weshi akacaale kulekabo cisamu ca mbembela peculu lya kalundu!”

Isaya 37:4

Mwaami wa bene Asilya watuma mutanjilili wa bashilumamba bakwe kwisa mukucobola Lesa muumi. Mwaami Lesa, Lesa wako aanyumfwe mucobwe uyo akupa mulandu abo boonse bacobola. Aboobo amupaile kuli Lesa pabantu besu abo bacaalaawo.’ ”