Isaya 1:1 - Baibo Busansulushi Bwa Libuku Ili

¹ Mulibuku ili mulilembetwe makani aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi. Wakayubulwitwa mubulelo bwakwe Usiya, Jotamu, Aasi alimwi abwakwe Esekiya, bamaami ba cishi ca Juda.

Isaya 1:1 교차 참조

2 Makani 26:1

Mpomunyaawo bantu boonse bene Juda bakasala Usiya uyo wakalinga kucite myaaka likumi amyaaka yosanwe awomwi ayi apyane bwaami bwa baishi baAmasiya.

2 Baami 18:1

Mumwaaka watatu wa bwaami bwakwe Osheya mwanaakwe Ela mwaami wa bene Isilaeli, Esekiya mwanaakwe Aasi wakaba mwaami wa bene Juda.

Isaya 7:1

Ono Aasi mwanaakwe Jotamu, mwishikulu wakwe Usiya, ndyaakalinga mwaami wa bene Juda, Lesini mwaami wa bene Silya alimwi aPeka mwanaakwe Lemaliya, mwaami wa bene Isilaeli, bakaya mukulwana ndabala inene ya Jelusalemu. Sombi bakaalilwa kwiikoma.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Isaya 2:1

Aya ngamaswi aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi.

Kulumbaisha 89:19

Kalekale mwakaamba mucili anga nciloto kubantu banu bashomeka ayi, “Ndapa nkusu kuli shilumamba ushinkusu. Ndakamusala kuswa kubantu bangu akumusumpula.

Shakubelenga 24:16

makani awooyo unyumfwa maswi akwe Lesa, utambula lushibo luswa kuli Lesa Wiindaawo, uyo ubona shintu anga muciloto kuswa kuli Lesa Shinkusu shoonse, uyo uwa panshi ameenso kaalasha.

Amosi 1:1

Aya ngomaswi akaamba Amosi mweembeshi wakaswa kundabala ya Tekowa. Myaaka yobilo citentanshi kacitana kucitika, Usiya kaali mwaami wa bene Juda alakwe Jeloboamu mwanaakwe Jeoyashi kaali mwaami wa bene Isilaeli, pabene Isilaeli Lesa wakayubulula makani aya kuli Amosi.

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 13:1

Ono ngaaya maswi aamba paBabiloni Isaya mwanaakwe Amosi ngwaakatambula kuswa kuli Lesa.

2 Baami 15:32

Mumwaaka wabili wa bwaami bwakwe Peka mwanaakwe Lemaliya mwaami wa bene Isilaeli, Jotamu mwanaakwe Usiya wakaba mwaami wa bene Juda.

2 Baami 15:7

Asaliya wakafwa akubikwa kushuumbwe sha bamaami muNdabala yakwe Defedi. Lyalo Jotamu mwanaakwe wakapyana bwaami bwakwe.

2 Baami 15:1

Mumwaaka wamakumi obilo amyaaka yosanwe ayobilo wa bwaami bwakwe Jeloboamu mwaami wa bene Isilaeli, Asaliya mwanaakwe Amasiya wakaba mwaami wa bene Juda.

Milimo ya Batumwi 26:19

“Aboobo, nobaami baAgilipa, nshikwe kukaka kunyumfwila ceeco ncendakabona anga muciloto cakaswa kwiculu.

Milimo ya Batumwi 10:17

Pita ndyaakalinga kuyeeya mbocakalinga kusansulula ico cakamubonekela, basankwa mbwaakatuma Konelyasi bakalinga kwisa ciipusha pakalinga ŋanda yakwe Simoni. Mpeeke bakashika, beemikana pamulyango.

Mateyo 17:9

Ndibakalinga kuseluka kuswa pakalundu, Jesu wakabaambila ayi, “Ishi nshemwabona mutakalwiiti muntu nabi womwi, kushikila MwanaaMuntu akabushikwe kuswa kubafu.”

Abakuku 2:2

Mpeeke Mwaami Lesa wakankumbula ayi, “Lemba maswi aya ngoontookuyubulwita. Waalembe cakubonekesha pamabwe apampamene kwaamba ayi muntu woonse akanookuubilwa pakwaabelenga.

Naamu 1:1

Aya ngamaswi akaswa kuMwaami Lesa kwaamba pandabala ya Ninife. Ili ndibuku lya cili anga nciloto cakabona Naamu mwine Ekiloshi.

Mika 1:1

Paciindi ca bwaami bwakwe Jotamu, Aasi abwakwe Esekiya bamaami ba bene Juda. Mwaami Lesa wakaamba maswi aya kuli Mika uyo wakalinga kundabala ya Molesheti. Pabene Samaliya abene Jelusalemu, Mwaami Lesa wakayubulula shintu ishi mucili anga nciloto.

Osiya 1:1

Aya ngamaswi Lesa ngaakayubulula kuli ndime neOsiya mwanaakwe Biili, mubwaami bwakwe Usiya, Jotamu, Aasi, Esekiya bamaami ba bene Juda alimwi amubwakwe Jeloboamu mwanaakwe Jeoyashi mwaami wa bene Isilaeli.

Shakubelenga 24:4

makani awooyo unyumfwa maswi akwe Lesa, uyo ubona shintu anga muciloto kuswa kuli Lesa Shinkusu shoonse, uyo uwa panshi ameenso kaalasha.

2 Pita 1:21

Mukwiinga balaluki bakulukulu tebakalinga kwaamba shakaswa mukuyanda kwabo beene, sombi bakalinga kutanjililwa aMushimu Usalashi ndibakalinga kwaamba maswi akwe Lesa.

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

2 Baami 15:13

Mumwaaka wamakumi otatwe amyaaka yosanwe ayone wa bwaami bwakwe Usiya mwaami wa bene Juda, Shalumu mwanaakwe Jabeshi wakaba mwaami wa bene Isilaeli. Wakalela muSamaliya kwamweenshi womwi.

2 Baami 19:2

Wakatuma Eliyakimu uyo wakalinga kweendelesha ŋanda ya bwaami, Shebina uyo wakalinga mulembi abapailishi banene kumulaluki Isaya mwanaakwe Amosi. Abalo bakalinga kufwete masaka.

2 Makani 26:22

Shintu shimwi shoonse shakacita Usiya kuswa kumatalikilo kushikila kumeelelesho shililembetwe mulibuku lya mulaluki Isaya mwanaakwe Amosi.

2 Makani 27:1

Jotamu wakaba mwaami kaacite myaaka makumi obilo amyaaka yosanwe. Wakalela muJelusalemu kwamyaaka likumi amyaaka yosanwe awomwi. Banyina bakalinga mba Jelusha mwanaakwe Sadoki.

2 Makani 28:1

Aasi wakaba mwaami kaacite myaaka makumi obilo. Wakalela muJelusalemu kwamyaaka likumi amyaaka yosanwe awomwi. Taakwe kukonkela bwakacita Defedi mushali wakwe mukulukulu, sombi wakacita shitaluleme pameenso a Mwaami Lesa, Lesa wakwe.

2 Makani 29:33

Bakaleta bacende bali 600 ambelele shili 3,000 ayi njimilambu yakulya bantu.

Isaya 20:2

Paciindi ico, kapeendite myaaka yotatwe Mwaami Lesa ndyaakaambila Isaya mwanaakwe Amosi ayi afuule masaka alimwi ankwabilo. Alakwe wakacita kweelana abwakaamba Lesa akutalika kweendabo matakosha alimwi amyeendobo.

Isaya 37:2

Wakatuma Eliyakimu uyo wakalinga kweendelesha ŋanda ya bwaami, Shebina uyo wakalinga mulembi abapailishi banene kumulaluki Isaya mwanaakwe Amosi. Abalo bakalinga kufwete masaka.

Isaya 38:1

Muciindi ico ceenka mwaami Esekiya wakaciswa cakufwabo. Lyalo Isaya mulaluki mwanaakwe Amosi wakaya mukumubona. Mpeeke wakamulwiita ayi, “Mwaami Lesa waamba ayi, ‘Bamba kabotu shintu shako shoonse mukwiinga teshi upuluke. Libambile kufwa.’ ”

Esekelo 1:1

Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.

Amosi 4:5

Kamutenta cimaande ayi ncipo cakulumba akulilumbaisha pashipo shanu shakulyaaba. Kamulisumpulabo pali nshisho nobene Isilaeli mukwiinga mwebo isho nsheshintu nshemusuni kucita. Nebo neMwaami Lesa Shinkusu shoonse ndaamba.”