Esita 9:25 - Baibo Busansulushi Bwa Libuku Ili

²⁵ Sombi makani aya akanyumfwika Esita ndyaakaya kumwaami. Lyalo mwaami wakalemba mulawo wakukasha muyeeyo wakwe Amani pabaJuda uyo wakamuboolela mwiine. Nkokwaamba ayi lakwe abana bakwe basankwa bakaangililwa pashisamu shakwaangililawo bantu.

Esita 9:25 교차 참조

Kulumbaisha 7:16

Bubi bwakwe bulamuboolela mwiine, bukali bwakwe bulamulokela pamutwi wakwe.

Mateyo 21:44

Uyo uwita palibwe ilyo, ulaakutyokooka, alimwi uyo ngweenga lyalokela, ulaakusansooka.”]

Kulumbaisha 141:10

Bamucita shibi abacatwe kutoose twabo, ee, bacatwe sombi nebo nyindemobo kabotu.

Kulumbaisha 140:9

Balwani bangu abo banshingulukite balalisumpula. Amulengeshe kwaamba ayi mashingo abo ababoolele.

Esita 7:5

Mpomunyaawo mwaami Sakisesi wakeepusha Esita ayi, “Anu ngani uyo utooyanda kucita ca mushobo uyo alimwi uli kuli?”

Esita 3:6

Lyalo ndyaakeshiba ayi Modekayi ngumuJuda, wakayeeya kutamucaya eenka. Sombi wakabamba nshila yakucailamo baJuda boonse mucishi ca Pesha coonse.

Esita 7:4

Nebo abene misheesu twakoolishikwa kwaamba ayi tunyonyoolwe, tucaikwe akulobeshekwa. Necalinga cakwaamba ayi nkuulishikwa ayi tube basha, naakwiinga ndoomunabo, kutamupenshaawo pacikani ici.”

Kulumbaisha 140:8

NoBaami baLesa, mutabasuminishi bamucita shibi kucita nshebasuni mutasuminishi bantu abo miyeeyo yabo kuswitilila.

Isaya 22:25

Ico caakucitika mpoopo iyo yakapopwa cakwiishimpya ilaakutenkaana akuwa. Lyalo shoonse isho sheshi shikanookobeketweeko shilaakunyonyooka cakumaninina.” Mwaami Lesa waamba.

1 Samwelo 25:39

Lyalo Defedi ndyaakanyumfwa ayi Nabali wakafwa, wakaamba ayi, “Aalumbwe Mwaami Lesa uyo waboosha cishole kuli Nabali ceebo cakutananga kabotu. Wanciba nebo nemusebenshi wakwe ayi ntaciti cibiibi akubooshela Nabali cibiibi cakwe.” Mpeeke Defedi wakatuma basankwa bakwe ayi bamwiipushisheko kuli Abigelo shakweeba.

1 Baami 8:32

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

Kulumbaisha 7:17

Ndalumba Lesa ceebo cakoombolosha kwakwe kululeme, ndanokwiimba liina lya Mwaami Lesa Wiindaawo mukumulumbaisha.

Kulumbaisha 94:23

Ulaakubapa mulandu ceebo ca shibiibi shabo, ulaakubanyonyoola ceebo ca bubi bwabo. Ee! Mwaami Lesa, Lesa wesu ulaakubanyonyoola.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Tushimpi 26:27

Na muntu ukaba cilindi, ulaakuwitaamo mwiine. Alyalo libwe lilaboolela wooyo utolikunkulusha.

Obadiya 1:15

“Bushiku buli pafwaafwi ubo nebo neMwaami Lesa, mbweshi nkoomboloshe mishobo yoonse. Sheenka nshemwakacita kubamwi nobene Edomu, ntoomulwiita ayi shilaakucitika akuli ndimwe. Micito yanu ibiibi ilaakumuboolela.