Esekelo 48:1 - Baibo Busansulushi Bwa Libuku Ili

^1-7 “Nyinsa yakumatwa ilaakunooswa kuLweenge lwa Mediteleniyani akululama kwicwe mundabala inene ya Etiloni kuya mukwiinda kumwinjililo wa kuAmati, kuya kundabala ya Asa Enani akushika kunyinsa ili pakati ka bulelo bwa Damasikasi alimwi abwa Amati. Mukowa womwi awomwi ulaakupekwa cipansha comwi ca cishi kuswa kunyinsa yakwicwe kuya kumbo tibili akuLweenge lwa Mediteleniyani. Ono mbulya mikowa mbweshi ikakonkane pakupekwa shipansha sha cishi kuswa kulubasu lwakumatwa kuya kulubasu lwakumalenge. Dani Asha Nafutali Manase Efuleemu Lubeni Juda

Esekelo 48:1 교차 참조

Esekelo 47:20

“Nyinsa yakumbo ilaakuba Lweenge lwa Mediteleniyani kuya kumatwa tibili akumusena uli kumbo lya mwinjililo wa kuAmati.

2 Samwelo 24:2

Mpomunyaawo Defedi wakaambila Joabu abamatanjilili ba bashilumamba bamwi abo mbwaakalingaabo ayi, “Kamuya mumishobo yoonse ya bene Isilaeli, nkokwaamba ayi kuswa kuDani kushikila akuBiyasheba, mukabelenge basankwa bakonsha kuya kunkondo kwaamba ayi nshibe mweelo mbobabete.”

Esekelo 47:23

Muswamashi womwi awomwi ulaakupekwa cipansha cakwe pantu pomwi abamumukowa uyo ngweekalaamo. Nebo neMwaami Shinkusu shoonse ndaamba.

Joshuwa 19:48

Mandabala ayo amishi yakalinga kwaashingulukite akalinga mucishi cakapekwa mukowa wakwe Dani kweelana ashipani shabo.

Esekelo 47:13

Mpeeke Mwaami Lesa Shinkusu shoonse wakaamba ayi, “Nyinsa sha shipansha sha cishi isho nsheshi mukabaanye mikowa ili likumi ayobilo ya bene Isilaeli nsheeshi. Mukowa wakwe Josefu ulyeelete kupekwa shipansha shobilo.