Esekelo 33:4 - Baibo Busansulushi Bwa Libuku Ili

⁴ Ono na umwi wanyumfwa, kuswawaawo wabula kubikaako maano, balwani na besa bamucaya, muntu uyo ngayi walicaisha mwiine.

Esekelo 33:4 교차 참조

Esekelo 18:13

Ulakweletesha maali ayi acaninewo mpindu. Sa muntu wa mushobo uyo inga waba abuumi? Sobwe teshi akabeewo abuumi! Ndushinisho ulaakufwa ceebo wakacita shintu ishi shoonse shilensha bunya. Lufu lwakwe ndwakuliletela mwiine.

Milimo ya Batumwi 18:6

Sombi ndibakamupikisha akutalika kwaamba shibiibi kuli nguwe, Paulo wakabonesha kukaka kwabo kwiinda mukulipampa lusuko kushakufwala akubalwiita ayi, “Mwalicaya nobeene! Nebo nshicite mulandu, sobwe. Kuswa sunu ndanooshimikilabo baswamashi bakunsengwe.”

Esekelo 33:9

Sombi na wamucenjesha mucita shibi, ono wabula kusanduka kuswa kububi bwakwe nabi kunshila shakwe shibiibi, ulaakufwa ceebo ca shibiibi shakwe, sombi webo ulaakupulusha buumi bwako.”

Jelemiya 6:17

“Ndakabika bantu beshikunoomulindilila akumwaambila ayi, ‘Kamunyumfwa kulila kwa lupeenga!’ Sombi mwebo mwakaamba ayi, ‘Teshi tukakutikeewo.’ ”

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

Esekelo 33:5

Mukwiinga wanyumfwa lupeenga ndilwalila, sombi lakwe wasuula. Ncakwiila muntu uyo walicaisha mwiine. Naanyumfwa kucenjeshekwa naakwiinga wapuluka.

Jemusi 1:22

Mutabi bantu balibeca kwiinda mukunookutikabo maswi ayo, sombi kamucita shaambwa muli ngawo.

Milimo ya Batumwi 20:26

Paceebo ceeco, ntoomulwiitilisha pabushiku bwa sunu ayi na bamwi mulikoto lyanu bakasoweke, teshi mulandu wangu, sobwe.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

1 Baami 2:37

Bushiku mbweshi ukasweemo akwiindilila Cinyika ca Kidiloni, ncakwiila ulaakufwa. Ncakwiila mulandu wa lufu lwako ulaakuba pali ndiwe omwiine.”

2 Samwelo 1:16

Defedi wakalinga wamwaambila kale ayi, “Ulu lufu waliletela omwiine. Walipa mulandu omwiine ndiwalyaambilila ayi wakacaya mwaami uyo Mwaami Lesa ngwaakasala kwiinda mukunanikwa mafuta.”

Bene Lefi 20:9

“Uyo woonse ushingana baishi nabi banyina ulyeelete kucaikwa. Lufu lwakwe ndwakuliletela mwiine.

Jelemiya 25:3

“Kwamyaaka makumi obilo amyaaka yotatwe, nkokwaamba ayi kuswa mumwaaka walikumi ayotatwe wa bwaami bwakwe Josiya mwanaakwe Amoni mwaami wa bene Juda kushikila sunu, ndalinga kutambula maswi a Mwaami Lesa alimwi ndalinga kumulwiita cakushomeka ciindi coonse maswi ayo, sombi mwebo temwalinga kukutikaawo, napaceyi.