Esekelo 32:24 - Baibo Busansulushi Bwa Libuku Ili

²⁴ “Ilamu alakwe nkwaabete ashuumbwe sha bashilumamba bakwe shilishingulukite cuumbwe cakwe. Boonse abo bakacailwa munkondo. Boonse bakalinga kuloondesha bamwi mucishi ca boomi bakaya cakubula kupalulwa mumusena wa bafu. Bulya balifwite munsoni shabo beene.

Esekelo 32:24 교차 참조

Esekelo 32:30

“Banaabaami boonse ba kumatwa abene Sidoni boonse nkobabete kweenka uko. Bakaya kooko pantu pomwi abakacaikwa lufu lulensha nsoni nakubi kwaamba ayi mbobakalinga kuloondesha bamwi kunkusu shabo. Bakafwa lufu lwa kutapalulwa pantu pomwi abaabo bakacailwa munkondo akoona munsoni shabo beene pomwi abaabo bamwi baya kumusena wa bafu.

Esekelo 32:25

Wakayalilwa kale bulo pakati ka baabo bakacailwa munkondo ashuumbwe sha bashilumamba bakwe shilishingulukite cuumbwe cakwe. Bantu aba boonse tabapalwitwe, sobwe. Boonse abo bakacailwa munkondo. Balo bakalinga kuloondesha bamwi mucishi ca boomi, sombi bulya balifwite munsoni shabo beene pantu pomwi abaabo bakacailwa munkondo.

Esekelo 32:18

“Webo omuntu, lilila bantu baanji baanji ba cishi ca Ijipiti. Tuma bantu abo kumusena wa bafu. Ubatuume pantu pomwi abantu abo beshinkusu ba mumishobo imwi.

Esekelo 26:20

Ndaakukutuma kumusena wa bafu kuya mukuba pantu pomwi abaabo bakafwa kalekale. Ndaakukulengesha kuya mukwikala kunshi lya cishi mumatongo akulukulu mukusenkana abafu. Aboobo bantu teshi bakekale tubili muli ndiwe nabi webo kuboola mucishi ca bantu boomi.

Esekelo 16:54

Webo ulaakulisenda akunyumfwa nsoni pasheesho shoonse nshewakacita, balo bamakwanu balaakusangalala pakubona ayi tabakwe kucita shibiibi sheelene anshewakacita.

Esekelo 16:52

Nyumfwa nsoni ceebo bamakwanu babonekako kululama. Ceebo webo wakabisha kwiinda mbabo, ncakwiila balo balabonekako kululama kwiinda ndiwe. Aboobo ulyeelete akunyumfwa nsoni akulisenda mukwiinga walengesha bamakwanu kuboneka kululama.’ ”

Matalikilo 10:22

Bana bakwe Shemu basankwa bakalinga Elamu, Ashuwa, Apakishadi, Ludi alimwi aAlamu.

Esekelo 44:13

Tabeelete kunsebensela mulimo wabupailishi nabi kusena pafwaafwi acintu coonse cisalalite nabi kwinjila muMusena Usalalite Wiindaawo.’ Uyu ngomulandu ngobapekwa ceebo ca shintu shilensha nsoni nshebakacita.

Esekelo 39:26

Lyalo baakwikala kwakubula cakulisukama mucishi cabo alimwi kwakubula muntu nabi womwi wakubaloondesha, balaakuluba nsoni shabo nshebacite ceebo cakutashomeka kwabo kuli ndime.

Esekelo 34:29

Ndaakubapa cishi cicite bulongo bubotu. Teshi bakakolwewo tubili nsala mucishi nabi kushibulukwaawo kumishobo imwi.

Jelemiya 25:25

bamaami boonse ba kuSimili, Elamu aMediya,

Matalikilo 14:1

Paciindi ici Amulafelo mwaami wa cishi ca Babiloniya, Alioki mwaami wa Elasa, Cedalaoma mwaami wa Elamu, aTidali mwaami wa Goiimu,

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.

Esekelo 36:15

Teshi nkamulekelesheewo tubili ayi musekwe kumishobo imwi nabi musebaanishikwe kubantu. Teshi mukacayewo baana ba mumushobo wanu. Nebo neMwaami Lesa Shinkusu shoonse ndaamba.’ ”

Esekelo 32:21

Bamatanjilili beshinkusu balaakwaamba pabene Ijipiti apabaabo mbobakalinga kucafwanaabo munkondo ayi, ‘Abalo besa mukoona pantu pomwi abaabo batapalwitwe abo bakacailwa munkondo.’

Esekelo 31:14

Paceebo ceeco taakuuwo shisamu shimwi shili kufwaafwi amaanshi sheshi shikalaampe mbuli ceeco alimwi mukushika mumakumbi. Taaku cisamu cimwi citililwa kabotu ceshi cikalaampe mbuli cisamu ico. Shoonse shilaakufwa bweenka bufwa bantu, ee, bweenka buya baabo baya kumusena wa bafu.’ ”

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Jobo 28:13

Busongo tabucanikwi kubantu alimwi taaku ukonsha kwishiba makwebo a mbubo.

1 Makani 1:17

Bana bakwe Shemu basankwa bakalinga Elamu, Ashuwa, Apakishadi, Ludi, Alamu, Usi, Ulu, Geta alimwi aMesheki.

Mateyo 11:23

Awebo Kapenaumu, sa utooyeeya ayi ulaakusumpwitwa kwiculu? Sobwe, ulaakuwaalwa panshi pamusena wa bafu! Mukwiinga shaankamiko isho naakwiinga shakacitilwa muSodoma, naakwiinga ndabala iyi keeciliiwo asunu.

Kulumbaisha 142:5

NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”

Isaya 38:11

Ndakalinga kuyeeya ayi bulya nebo taaku kubonanaawo aMwaami Lesa, ee, kubonanaawo anguwe mucishi cino ca boomi. Abalo bantu bacili boomi nebo taaku kubonanaabo tubili nabi kwikala pakati kabo mucishi cino.

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Esekelo 31:18

“Anu ncisamunshi ca mumuunda wa Edeni ceenga ceelanishikwa andiwe kubulemu alimwi ankusu? Nakubi boobo, awebo ulaakubooshekwa kumusena wa bafu pantu pomwi ashisamu sha muEdeni. Ulaakufukilwa pantu pomwi abaabo batapalwitwe abo bakacailwa munkondo. Ici cilaakucitikila Falawo abantu bakwe boonse. Nebo neMwaami Lesa Shinkusu shoonse ndaamba.”

Esekelo 32:19

Ubeepushe ayi, ‘Sa mwebo mulisunikwi kwiinda bamwi? Mulaakuya kumusena wa bafu akoona pantu pomwi abaabo batapalwitwe.’