Esekelo 30:12 - Baibo Busansulushi Bwa Libuku Ili

¹² Ndaakuyumya Mulonga wa Nailo akuulisha cishi kubantu babiibi. Ndaakusebensesha baswamashi kunyonyoola cishi ashoonse shiliimo. Nebo neMwaami Lesa ndaamba.’

Esekelo 30:12 교차 참조

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Ciyubululo 16:12

Alakwe munjelo wasanu awomwi wakapukwita shakalinga mumbale yakwe ifongomene paMulonga unene wa Yufuletisi. Mulonga uyu wakayuma kwaamba ayi bamaami ba kwicwe bacane pakwiinda.

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

Naamu 1:4

Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Esekelo 31:12

alimwi ndaakusuminisha baswamashi beendaawo kubula nkumbu pamishobo yoonse ayi bakaciteeme akucishiya. Misampi ya ncico amatewu alaakulokela patulundu toonse amushinyika shoonse sha mucishi. Lyalo mishobo ya mucishi coonse iyo yakalinga kwikala mucimfule ca cisamu ico ilaakuswaamo akuya.

Esekelo 28:10

Ulaakufwa lufu lwa muntu utana kupalulwa mumaansa a baswamashi abo. Nebo neMwaami Lesa Shinkusu shoonse ndaamba.’ ”

Jelemiya 51:36

Paceebo ceeco, Mwaami Lesa waamba ayi, “Amubone, ndaakumwiimikanina mucikani canu akuboosha cishole kuli baabo batoomupensha. Ndaakuyumya maanshi a bene Babiloni akulengesha milonga yabo kuyuminina.

Jelemiya 50:38

Cilanga acibe kumilonga ya mumo! Ayalo itooyuminwa! Cilaakucitika ceebo ncishi ca shibumbwabumbwa shiyoosha. Shibumbwabumbwa isho shakalengesha bantu kuba baluya.

Isaya 44:27

Ndime neŋambilabo liswi kulweenge ayi, ‘Yuma!’ alwalo lulayuma peenka apo.

Boomboloshi 2:14

Aboobo Mwaami Lesa wakabaaba mumaansa a beshikusaala, abo bakasaala shintu shabo, akubalwani babo abo bakalinga kubashingulukite cakwaamba ayi bakaalilwa kulifuna.