Esekelo 24:1 - Baibo Busansulushi Bwa Libuku Ili

¹ Mumwaaka wasanu ayone wa busha bwesu mumweenshi walikumi pabushiku bwalikumi Mwaami Lesa wakandwiita ayi,

Esekelo 24:1 교차 참조

Esekelo 20:1

Pabushiku bwalikumi bwa mweenshi wasanu wa mwaaka wasanu ayobilo wa busha bwesu, bamaloba ba bene Isilaeli bamwi bakesa kuli ndime ayi banjipushe kuyanda kwa Mwaami Lesa. Mpeeke bakekala kunembo lyangu.

Esekelo 8:1

Pabushiku bwasanu, mumweenshi wasanu awomwi, mumwaaka wasanu awomwi, ndakalinga kushiite muŋanda yangu abamaloba ba bene Juda. Cakuteengashila, nkusu sha Mwaami Lesa Shinkusu shoonse shakanselukila.

Esekelo 40:1

Mumwaaka wamakumi obilo amyaaka yosanwe wa busha bwesu, pabushiku bwalikumi bwa mweenshi wakutaanguna mumwaaka, mumwaaka walikumi ayone ndabala ya Jelusalemu ndiyakawa, nkusu sha Mwaami Lesa shakanselukila akuntola.

Esekelo 33:21

Mumwaaka wamakumi obilo amyaaka yosanwe wa busha bwesu, pabushiku bwasanu bwa mweenshi walikumi, muntu wakaloboka kuJelusalemu wakesa kuli ndime akwaamba ayi, “Ndabala yakakomwa!”

Esekelo 32:17

Mumwaaka walikumi ayobilo wa busha bwesu, pabushiku bwalikumi ashosanwe bwa mweenshi wakutaanguna, Mwaami Lesa wakaŋambila ayi,

Esekelo 32:1

Mumwaaka walikumi ayobilo, pabushiku bwakutaanguna bwa mweenshi walikumi ayobilo, Mwaami Lesa Shinkusu shoonse wakaŋambila ayi,

Esekelo 31:1

Mumwaaka walikumi awomwi wa busha bwesu, pabushiku bwakutaanguna bwa mweenshi watatu, Mwaami Lesa wakaŋambila ayi,

Esekelo 29:17

Mumwaaka wamakumi obilo amyaaka yosanwe ayobilo wa busha bwesu, pabushiku bwakutaanguna bwa mweenshi wakutaanguna, Mwaami Lesa wakaŋambila ayi,

Esekelo 29:1

Mumwaaka walikumi wa busha bwesu, mumweenshi walikumi, pabushiku bwalikumi ashobilo, Mwaami Lesa wakaŋambila ayi,

Esekelo 26:1

Mumwaaka walikumi awomwi wa busha bwesu pabushiku butaanshi bwa mweenshi, Mwaami Lesa wakaŋambila ayi,

Esekelo 1:2

Pabushiku bwasanu bwa mweenshi, mumwaaka wasanu kuswa ciindi mwaami Jeoiyakini ndyaakatolwa mubusha,

2 Baami 24:12

Lyalo mwaami Jeoiyakini mwaami wa bene Juda wakalyaaba mumaansaakwe Nebukadinesa pantu pomwi abanyina, bana bakwe basankwa, bamatanjilili ba bashilumamba alimwi abacinenenene ba kuŋanda ya bwaami boonse. Mumwaaka wasanu ayotatwe wa bwaami bwakwe Nebukadinesa mwaami wa bene Babiloni, Jeoiyakini mwaami wa bene Juda wakatolwa busha kuli nguwe.

Jelemiya 39:1

Mumwaaka wasanu ayone wa bwaami bwakwe Sedekiya mwaami wa bene Juda, mumweenshi wa likumi, Nebukadinesa mwaami wa bene Babiloni wakanyamuka alikoto lyakwe lyoonse lya bashilumamba akushinguluka ndabala ya Jelusalemu ayi beelwaane.

Jelemiya 52:4

Mpomunyaawo mumwaaka wasanu ayone wa bwaami bwakwe Sedekiya, pabushiku bwalikumi mumweenshi walikumi, Nebukadinesa mwaami wa bene Babiloni wakanyamuka abashilumamba bakwe kuya mukulwana abene Jelusalemu. Bakayaka misumba yabo pansengwe lya ndabala iyo akuyaka mukuti wakutantilaawo kushingulusha lubumbu lwa njiyo.

Esekelo 23:49

Banakashi abo ndaakubapa mulandu ceebo ca bufuule bwabo alimwi akulambila shibumbwabumbwa kwabo. Lyalo ndyeshi mukeshibe ayi nebo ndi Mwaami Lesa.”

Esekelo 24:2

“Webo omuntu, lemba bushiku buno ceebo buno mbobushiku mwaami wa bene Babiloni mbwaatooshinguluka ndabala ya Jelusalemu ayi eelwaane.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”