17 Anebo ntookamba mapaka angu, lyalo bukali bwangu buyoosha butoomana. Nebo neMwaami Lesa ndaamba.”
“ ‘Cilemeneshi ca bukali bwangu buyoosha boonse mulaakucinyumfwa ndaakumana kuboosha cishole. Pakumana kubatondesha bukali bwangu buyoosha, ndyeshi bakeshibe kwaamba ayi nebo neMwaami Lesa ndaamba kuli ndimwe ceebo ndikalalite abuumbi pakutashomeka kwanu.
“Aboobo webo omuntu, laluka. Kamba mapakaako kubuumba. Mupeeni uyase mankanda obilo, nabibo otatwe. Ngumupeeni wakucaishaako alimwi ulaakubashinkila kumbasu shoonse.
Mpomunyaawo munjelo uyo wakoolobesha kuli ndime ayi, “Maaki ayo akaya kumatwa kuBabiloni aya mukutontosha bukali bwa Mwaami Lesa.”
“ ‘Ndushinisho ndaakukamba mapaka angu ceebo ca bukali pabuboni ubo mbowakabilila munshila italuleme alimwi apabulowa mbowakatila bwa babyo.
Lyalo bukali bwangu buyoosha bulaakumana abukali bwangu bwa busuba pali ndiwe bulaakuswa. Ndaakubooshamo moyo cakutakalalaawo tubili.
Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.
Bweenka mbocakasangalasha Mwaami Lesa ayi amusumpule akumufusha mbweeke ubo mbweshi cikamusangalashe ayi amunyonyoole akumulobya. Mulaakumana katyenke mucishi ico ncemutooya mukwikalaamo.
Mpeeke Balaki wakakalala abuumbi, wafunga likoofi akwaambila Balaamu ayi, “Webo ndakakwiitila kushingana balwani bangu, sombi aba mankanda otatwe ono koobapa coolwe.
Webo omupeeni timboola kulubasu lwalulyo, timboola kulubasu lwakucipiko, ee, utimboole kuli koonse nkweshi usandulukile.
Mpeeke Mwaami Lesa wakaŋambila ayi,
Mutayi kumyuunda nabi kuya bweendeenda mumikwakwa ceebo balwani banu balicite mipeeni cakwaamba ayi koonse kutooloondesha.”
Pesule lya kupambuka, twakaboola munshila alimwi. Nditwakeshiba ayi twaluba twakalyuuma mucaamba. Twakanyumfwa nsoni akulisenda ceebo cakubisha kwesu kwakuswabo kubwanike.’
Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.
