Esekelo 20:18 - Baibo Busansulushi Bwa Libuku Ili

¹⁸ Lyalo ndakaambila bana babo muluyanga ayi, Mutanookonkela milasho ya bamashali banu bakulukulu nabi kulama milawo yabo nabi kulibisha nobeene mukulambila shibumbwabumbwa shabo.

Esekelo 20:18 교차 참조

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

Esekelo 20:7

Kuswawaawo ndakabalwiita kusowa shibumbwabumbwa shabo shilensha nsoni isho nshebakalinga kusuni. Ndakabakasha kulilengesha kutanoosalalite mukulambila balesa babubeshi ba bene Ijipiti ceebo ndime Mwaami Lesa, Lesa wabo.

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!

Jelemiya 3:9

Juda taakwe kunyumfwawo nsoni pasheesho shakacita Isilaeli. Ndushinisho alakwe wakalengesha cishi kutanoosalalite. Wakacita bufuule kwiinda mukulambila mabwe ashisamu.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Shakubelenga 14:31

Mwebo mwakaamba ayi bana banu balaakucatwa, sombi ndaakubaleta mucishi ico ncemwakakaka alimwi cilaakuba cinebo.

Kulumbaisha 106:39

Mboboobo mbobakalibisha kushintu nshebakacita, alimwi tabakwe kushomeka kuli Lesa mukucita sha mushobo uyo.

Jelemiya 11:10

Bakapilukila kushibiibi sha bamashali babo bakulukulu abo bakalinga kukaka kunyumfwila maswi angu. Bakakonkela akusebensela balesa bamwi. Bene Isilaeli abene Juda boonse bakakaka kukonkela cipangano ncendakapanga abamashali babo bakulukulu.

Esekelo 2:3

Wakaamba ayi, “Webo omuntu, ntookutuma kubene Isilaeli, mushobo waashu uyo wakangashukila. Balo alimwi abamashali babo bakulukulu bakangashukila kushikila asunu.

Esekelo 18:19

“Nakubi boobo muleepusha ayi, ‘Ceebonshi mwaana ncaatakonshi kupengela shibiibi sha baishi?’ Kukumbula nkwakwaamba ayi mwaana wakacita shintu shakutanyengelela ashiluleme alimwi akulama kabotu milasho yangu yoonse. Ndushinisho lakwe ulaakuba abuumi.

Amosi 2:4

Mwaami Lesa waamba ayi, “Bene Juda bakalinga kubisha lyobilo lyobilo, aboobo ndushinisho ndaakubapa mulandu. Bakaka kukonkela Milawo yangu nebo neMwaami Lesa akukaka kukonkela milasho yangu. Balesa bakubeca babalengesha kuswa munshila, ee, balesa abo bamashali babo bakulukulu mbobakalinga kukonkela.

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Esekelo 18:14

“Ono twaambe ayi mwaana musankwa uyo kaacite mwanaakwe musankwa uyo ubona shibiibi isho shoonse baishi nshebacita, sombi nabi lakwe ulashibona, kaatashiciiti.