16 Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu mukwiinga bakabika myoyo yabo kushibumbwabumbwa shabo.
Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.
“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.
Mwanakashi uyu taakwe kucileka bufuule ubu mbwaakatalikila muIjipiti basankwa ndibakalinga kukumanaakwe abo bakamulya cisungu akumulengesha kuba mufuule.
Banakashi abo bakeeta basankwa abo ayi bacanikwe pakusekelela kwa kupa milambu, uko nkobakalinga kulambilila balesa ba bene Moabu. Bene Isilaeli bakalya akulambila balesa abo.
Sombi abo balyaabite mukulambila shikoshanyo shifundoosha kumoyo ashibumbwabumbwa shilensha bunya, ndaakubapa mulandu kweelana anshebakacita. Nebo neMwaami Lesa Shinkusu shoonse ndaamba.”
Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’
