Esekelo 14:6 - Baibo Busansulushi Bwa Libuku Ili

⁶ “Paceebo ceeco ambila mushobo wa bene Isilaeli ayi Mwaami Lesa waamba ayi, ‘Amusanduke kuswa kushibiibi! Amusanduke kuswa kushibumbwabumbwa shanu akufutatila micito yanu yoonse ilensha bunya.

Esekelo 14:6 교차 참조

Esekelo 18:30

“Ono nebo neMwaami Lesa Shinkusu shoonse ndaamba ayi, ‘Mwebo nobene Isilaeli, ndaakoombolosha womwi awomwi kweelana anshila shakwe. Amusanduke kuswa kushilubo shanu! Mutaleeki shibiibi shanu ayi shimunyonyoole.

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 2:20

Pabushiku ubo bantu balaakusowa shibumbwabumbwa shabo kumbeba atumpafwa. Balaakusowa shibumbwabumbwa shabo sha golodi asilifa isho nshebakalipangila ayi banoolambila.

Bene Loma 6:21

Ino ono nimpindunshi njemwakacana mukucita shintu isho shitoomulensha nsoni bulya? Taakuuwo. Mukwiinga mamanino a shintu sha mushobo wooyo ndufu.

Osiya 14:8

Bene Isilaeli teshi bakanoocibete lubasu kushibumbwabumbwa. Ndaakukumbula mipailo yabo akunoobalama. Nebo ndi anga ncisamu ca mapaini ico citaloshi matewu. Shoolwe shabo shoonse shilaswa kuli ndime.”

Esekelo 14:4

Paceebo ceeco ubalwiite ayi nebo neMwaami Lesa Shinkusu shoonse waamba ayi, ‘Na mwine Isilaeli watalika kulambila shibumbwabumbwa nakubi kwaamba ayi ulishi ayi shilaakuba mfumpu kunembo lyakwe, ono pesule wesa mukwiipusha kumulaluki, nebo neMwaami Lesa ndimeshi nkamukumbule kweelana akulambila shibumbwabumbwa kwakwe.

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Milimo ya Batumwi 17:30

Lesa wakalekelela bantu pasheesho shoonse nshebakacita kabatamwishi, sombi paciindi cino utokwaambila bantu mumisena yoonse ayi basanduke kuswa kushibiibi shabo.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Sefaniya 3:11

Pabushiku bweenka ubo mwebo nobene Jelusalemu teshi mukalenshekwe nsoni pashintu isho nshemwakambishisha. Nebo ndaakukusha beshikulisumpula boonse mundabala yanu. Teshi mukambukilewo tubili pakalundu kangu kasalalite.

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

Esekelo 8:16

Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

2 Makani 29:6

Bamashali besu bakulukulu tebakalinga kushomeka kuMwaami Lesa, Lesa wesu alimwi bakacita shitaluleme pameenso akwe. Bakamukaka akufutatila musena wa bulemu bwakwe.

Esekelo 8:6

Mpeeke Lesa wakaŋambila ayi, “Webo omuntu, washibona nshebatoocita kuno bene Isilaeli isho shilensha bunya? Shintu isho shitoontalamusha kuswa kumusena wangu usalalite akuyabo kulaale? Sombi ulaakubona ashimwi shilensha bunya shiinda sheeshi.”

Sekaliya 1:4

Mutabi anga mbamashali banu bakulukulu. Kalekale balaluki bangu bakabapa maswi angu akubalwiita ayi basanduke kuswa kunshila shabo shibiibi amicito yabo ibiibi. Sombi balo tabakwe kunyumfwa nabi kukonkela maswi angu.