Esekelo 12:23 - Baibo Busansulushi Bwa Libuku Ili

²³ Ono baambile ayi nebo neMwaami Lesa Shinkusu shoonse ndaamba ayi, ‘Nebo ntooyanda kumanisha kashimpi aka. Ncakwiila teshi bakakaambewo tubili mucishi ca Isilaeli.’ Ubalwiite ayi, ‘Bulya ciindi cili pafwaafwi cakwaamba ayi shoonse shakaambwa ndyeshi shikacitike.’

Esekelo 12:23 교차 참조

Sefaniya 1:14

Bushiku bunene bwa Mwaami Lesa buli pafwaafwi, ncakwiila bulaakwisa coonoono. Kulila pabushiku bwa Mwaami Lesa kulaakubica. Abalo bashilumamba bacibwene kulwana balaakoolobesha ceebo ca buumba.

Jowelo 2:1

Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.

Mateyo 24:34

Ntoomulwiita calushinisho ayi shintu shoonse ishi shilaakucitika bantu boonse baliiwo bulya kabatana kumaninina kufwa.

Esekelo 18:3

“Nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, kashimpi aka teshi mukakaambewo tubili mucishi ca Isilaeli.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Esekelo 7:2

“Webo omuntu, pacishi ca Isilaeli, nebo neMwaami Lesa Shinkusu shoonse ndaamba ayi, ‘Aya ngomeelelesho! Meelelesho ashika kumbasu shoonse shone sha cishi.

Isaya 28:22

Ono anu amucileeke kucelebula, kwabula boobo ncetani shanu shitoolemenaawo. Nebo Mwaami Lesa, Mwaami Lesa Shinkusu shoonse wandwiita, ee, wandwiita shakunyonyoola nkwaabambite pacishi cino coonse.

Esekelo 12:25

Mukwiinga nebo nemwiine neMwaami Lesa ndimeshi nkanokwaamba alimwi isho nsheshi nkanokwaamba shilaakunoocitika cakutasowaawo ciindi, sobwe. Munshiku shanu mwebo nobamumushobo waashu, ndaakucita kulila coonse ico nceendakaamba. Nebo neMwaami Lesa Shinkusu shoonse ndaamba.”

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Esekelo 16:44

Mwaami Lesa waamba ayi, “Ondabala ya Jelusalemu, abo boonse baamba tushimpi balaakunokwaamba kashimpi aka pali ndiwe ayi, ‘Bweenka bubete banyina amwaana mwanakashi mbwaabete.’