Esekelo 11:22 - Baibo Busansulushi Bwa Libuku Ili

²² Mpomunyaawo bakelebu bakafungulula mapapaminwa abo akutalika kuuluka aalo mawilo akayaabo. Mumuni utowa uyo utondesha bulemu bwakwe Lesa wa bene Isilaeli walo wakalingabo peculu lyabo.

Esekelo 11:22 교차 참조

Esekelo 10:19

Kaanjebela, bakelebu bakafungulula mapapaminwa abo akunyamuka kuswa panshi. Aalo mawilo akayaabo. Bakaya beemikanaako paniini kumulyango wa mwinjililo wakwicwe wa Ŋanda yakwe Lesa. Lyalo mumuni utowa, uyo utondesha bulemu bwakwe Lesa wa bene Isilaeli, wakalinga peculu lyabo.

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Esekelo 9:3

Lyalo mumuni utowa uyo utondesha bulemu bwakwe Lesa wa bene Isilaeli wakanyamuka akuya mwiculu kuswa pabakelebu apo mpowakalinga kwikala akuya mukushika kumwinjililo wa Ŋanda yakwe Lesa. Mpomunyaawo Mwaami Lesa wakeeta muntu uyo wakalinga kufwete shakufwala sha nsalu iteshimite uyo wakalinga kucite shilembesho palubasu

Esekelo 10:4

Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.