Esekelo 1:4 - Baibo Busansulushi Bwa Libuku Ili

⁴ Ndindakalangilisha, ndakabona cipuupu kaciswita kumatwa. Kubeka kwa mfula kwakalinga kuswa mulikumbi linene kalishingulukitwe amumuni unene. Pakati ka mabeebe pakalinga kuboneka cintu cakalinga kubembelabo anga ngubulonse.

Esekelo 1:4 교차 참조

Esekelo 1:27

Kuswa mubukome bwakwe kuya peculu, ndakabona cakalinga kuboneka anga nceela casalala kukulungula mumulilo. Kuswa mubukome kuya panshi wakalinga kuboneka anga ngumulilo alimwi wakalinga kushingulukitwe amumuni utuba tuu.

Esekelo 8:2

Mpeeke ndindakalangilisha kwiculu ndakabona cakalinga kuboneka anga ngumuntu. Kuswa mubukome kuya panshi wakalinga kuboneka anga ngumulilo. Kuswa mubukome bwakwe kuya peculu, ndakabona cakalinga kuboneka anga nceela casalala kukulungula mumulilo.

Jelemiya 23:19

Amubone, bukali bwangu bulibo anga ncipuupu ciyoosha, ee, bulibo anga nkapupuulwa ako katooshingulukabo pamitwi ya bamucita shibi.

Jelemiya 25:32

Mwaami Lesa Shinkusu shoonse waamba ayi, “Amulange! Mapensho atooya cimwaikabo kuswa kumushobo amushobo. Cipuupu cinene caswita kweela cishi ca panshi.”

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Ciyubululo 1:15

Shimpanta shakwe shakalinga kubeka anga ngubulonse waswabo mukufulwa. Alyalo liswi lyakwe lyakalinga kunyumfwika anga nkuwoota kwa maanshi.

Bene Ebulu 12:29

Mukwiinga Lesa wesu ncakwiila ngumulilo unyonyoola.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Jelemiya 4:6

Amulishe mapeenga kulwiita bantu ayi bacicile kuSiyoni. Amucice bweenka bulya cakutacelwa kwaamba ayi mupuluke ceebo ntooleta mapensho abiibi kuswa kumatwa ee, ntooleta kunyonyoolwa kuyoosha.”

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Kulumbaisha 50:3

Lesa wesu utoosa, sombi kuteshi buumwite. Mulilo ubilima, ukali, ulibo muliimfwa lyakwe. Acalo cipuupu ciyoosha cilimushingulukite.

2 Makani 5:13

Beshikulisha mapeenga abeshikwiimba bakalinga kwiimba cakucatana pantu pomwi anga ngumuntu womwi kabalumbaisha Mwaami Lesa. Uku mapeenga, tusenke ashimwi shakulisha kashilishikwa, bakeemba amaswi apeculu mukulumbaisha Mwaami Lesa ayi, “Amulumbaishe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.” Lyalo Ŋanda ya Mwaami Lesa yakesula likumbi lya bulemu bwakwe Lesa.

1 Baami 19:11

Mwaami Lesa wakamwaambila ayi, “Swa uye wiimikane kunembo lyangu peculu lya kalundu.” Lyalo Mwaami Lesa wakaya, weenda pafwaafwi anguwe akutuma muuwo ukali abuumbi uyo wakabaanya kalundu pakati akupasoola mabwe. Sombi Mwaami Lesa taakalinga mumuuwo. Muuwo wakacileka, mpeeke kwakaba citentanshi, sombi Mwaami Lesa taakalinga mucitentanshi.

Esekelo 13:11

Aboobo ambila baabo balushingula abulongo butuba ayi lubumbu lwabo lulaakuwa. Ndaakutuma mfula inene abuumbi, mfula ya mabwe ilaakwisa pali ndulo alimwi cipuupu cinene cilaakulupuupila.

Esekelo 13:13

“Paceebo ceeco Mwaami Lesa Shinkusu shoonse ndaamba ayi, ‘Mubukali bwangu buyoosha, ndaakutuma cipuupu cinene, mfula ya mabwe alimwi amfuula inene abuumbi ilaakwisa mukunyonyoola lubumbu.

Esekelo 43:3

Cili anga nciloto ici cakalingabo anga nceeco ncendakabona Lesa ndyaakesa mukunyonyoola ndabala inene ya Jelusalemu alimwi aceeco ncendakabona kuMulonga wa Keba. Aboobo ndakaliwaala panshi akushishaawo ciwa.

Sekaliya 6:6

Cikoci cakalinga kukwelwa amaaki ashiya cakaya kumatwa kucishi ca Babiloni, maaki atuba akaya kumbo, aalo maaki amabalamabala akaya kucishi cakalinga kumalenge.

Kulonga 9:24

mfula ya mabwe inene abuumbi alimwi akubeka kwakakumanabo cishi coonse. Imfula iyo yakakomena abuumbi kwiinda mfula shoonse shakalinga kuloka mucishi ca Ijipiti.

2 Baami 2:11

Mpomunyaawo kabaya cibandika, pakati pali mbabo pakaboneka cikoci ca mulilo cakalinga kukwelwa amaaki a mulilo. Lyalo kapupuulwa kakatola Elija kwiculu.

Jobo 38:1

Lyalo Mwaami Lesa wakakumbula Jobo mucipuupu cinene ayi,