Esekelo 1:1 - Baibo Busansulushi Bwa Libuku Ili

¹ Mumwaaka wamakumi otatwe, mumweenshi wane pabushiku bwasanu ndindakalinga kwikala abasha kulubasu lwa Mulonga wa Keba mucishi ca Babiloni, liculu lyakacaluka. Mpeeke ndakabona shili anga nshiloto shakaswa kuli Lesa.

Esekelo 1:1 교차 참조

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

Milimo ya Batumwi 7:56

Mpeeke wakaamba ayi, “Amunyumfwe! Ndaboona liculu lyacaluka alimwi aMwanaaMuntu uliimfwi kululyo lwakwe Lesa!”

Mateyo 3:16

Jesu ndyaakamanabo kubombekwa wakaswa mumaanshi. Mpomunyaawo liculu lyakacaluka, lyalo wakabona Mushimu wakwe Lesa kauselukila pali nguwe anga nimpolobe.

Esekelo 11:24

Lyalo mucili anga nciloto ico, Mushimu wakwe Lesa wakanyamuna akumboosha kubaabo bakatolwa mubusha bakalinga kuBabiloni. Pesule cili anga nciloto ico cakashimingana.

Milimo ya Batumwi 10:11

Wakabona liculu lyacaluka, acintu cimwi kacisa panshi ico cakalinga kuboneka anga ncisani cinene caangitwe mumakonko oonse one.

Luka 3:21

Bantu boonse ndibakamana kubombekwa alakwe Jesu wakabombekwa. Ono ndyaakalinga kupaila liculu lyakacaluka.

Esekelo 10:20

Ono ndakeshiba cakushinisha ayi bakelebu abo nsheshilengwa sheenka nshendakabonaawo munshaabulemu bwakwe Lesa wa bene Isilaeli kuMulonga wa Keba.

Esekelo 10:15

Bakelebu abo nsheshilengwa sheenka nshendakabonaawo kuMulonga wa Keba. Na bakelebu abo banyamuka kuswa panshi

Ciyubululo 4:1

Kuswawaawo, ndakabona mulyango ucalukite kwiculu. Mpomunyaawo ndakanyumfwa liswi anga ndupeenga, lyeenka ndindakanyumfwa kataanshi. Lyakandwiita ayi, “Kosa kokuno kwiculu, nkuboneshe sheshi shikacitike kuswa sheeshi.”

Joni 1:51

Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”

Esekelo 43:3

Cili anga nciloto ici cakalingabo anga nceeco ncendakabona Lesa ndyaakesa mukunyonyoola ndabala inene ya Jelusalemu alimwi aceeco ncendakabona kuMulonga wa Keba. Aboobo ndakaliwaala panshi akushishaawo ciwa.

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Esekelo 3:23

Aboobo ndakanyamuka akuya kucinyika ico. Ono kulya ndakabona bulemu bwa Mwaami Lesa bweenka mbuli mbondakabona kuMulonga wa Keba. Ndindakabubona, ndakafukama cakushisha ciwa panshi.

Esekelo 1:3

maswi a Mwaami Lesa akashinkila nebo neEsekelo nemupailishi mwanaakwe Busi ndindakalinga kuMulonga wa Keba mucishi ca bene Babiloni. Uko nkusu shakwe shakanselukila.

Isaya 1:1

Mulibuku ili mulilembetwe makani aamba pacishi ca Juda alimwi andabala ya Jelusalemu kweelana aLesa mbwaakayubulwita Isaya mwanaakwe Amosi. Wakayubulwitwa mubulelo bwakwe Usiya, Jotamu, Aasi alimwi abwakwe Esekiya, bamaami ba cishi ca Juda.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.

Maako 1:10

Ndyaakaswabo mumaanshi, wakabona kwiculu kwacaluka alimwi aMushimu Usalashi kauseluka pali nguwe anga nimpolobe.

Jowelo 2:28

“Ciindi caakushika, ndaakutila Mushimu wangu pabantu boonse. Bana banu basankwa abanakashi balaakwaamba maswi angu. Bamacembele banu basankwa balaakulota shiloto. Bacikula bwangu banu basankwa balaakubona shili anga nshiloto.

Osiya 12:10

“Ndakabandika abalaluki akubapa shili anga nshiloto shiinji. Kwiinda muli mbabo, ndakalinga kumucenjesha nobantu bangu.

Esekelo 40:2

Mucili anga nciloto Lesa wakantola kucishi ca Isilaeli akunjimika peculu lya kalundu kalaamfu ako kakalinga kucite maanda aanji kulubasu lwa kumalenge ayo akalinga kuboneka anga nindabala inene.

Esekelo 3:15

Kuswawaawo ndakaya mukushika kuTelo Abibi kufwaafwi a Mulonga wa Keba uko kwakalinga kwikala basha. Kumusena uko ndakekalakobo nshiku shosanwe ashobilo kaancikankamana pasheesho nshendakabona.

Shakubelenga 4:3

akulemba basankwa boonse bacite myaaka ili kuswa pamakumi otatwe alimwi akweela pamakumi osanwe nkokwaamba ayi boonse beelete kusebensa muTente ya Cipangano.

Kulonga 24:10

apo mpobakabona Lesa wa bene Isilaeli. Panshi lya myeendo yakwe, pakalinga cakalinga kuboneka anga ndubansa lwa konkeli ulo lwakalinga kuboneka anga ndiculu.

Matalikilo 46:2

Lesa wakaamba anguwe mashiku akumwiita ayi, “Jakobo! Jakobo!” Wakakumbula ayi, “Nkambo.”

Milimo ya Batumwi 10:3

Bumwi bushiku ciindi ca 3 koloko malumwi, wakabona munjelo wakwe Lesa anga muciloto keesa kuli nguwe akwiita liina lyakwe ayi, “Konelyasi!”

Mateyo 17:9

Ndibakalinga kuseluka kuswa pakalundu, Jesu wakabaambila ayi, “Ishi nshemwabona mutakalwiiti muntu nabi womwi, kushikila MwanaaMuntu akabushikwe kuswa kubafu.”

Esekelo 10:22

Shiwa shabo shakalinga kuboneka bweenka mbuli sheesho nshendakabona kuMulonga wa Keba. Kelebu womwi awomwi wakalinga kweenda cakululamabo kunembo.

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Luka 3:23

Jesu wakatalika ncito yakwe kaayanda kukwanisha myaaka ili makumi otatwe. Wakalinga ngumwanaakwe Josefu mbuli mbobakalinga kuyeeya bantu. Josefu wakalinga mwanaakwe Eli,

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Kulumbaisha 137:1

Kunshaamilonga ya Babiloni, twakekala panshi akulila. Twakalila nditwakayeeya Siyoni.

Jelemiya 29:15

“Ono mwebo inga mwaamba ayi, ‘Mwaami Lesa watupa balaluki muno muBabiloni.’

Esekelo 10:1

Ndindakalanga, ndakabona cakalinga kuboneka anga ncuuna ca bwaami cakapangwa amabwe a Safaya. Cakalinga peculu lya musena ufongomene uyo wakalinga peculu lya mitwi ya bakelebu.

Esekelo 10:10

Mawilo oonse one akalinga kukoshenye. Lyomwi alyomwi lyakalinga kuboneka anga lilicite liwilo limwi licilingene mukati.