Dutolonomi 9:5 - Baibo Busansulushi Bwa Libuku Ili

⁵ Teshi kwaamba ayi muli bantu kabotu alimwi mulacita shiluleme Mwaami Lesa ncaatoomusuminishila kubwesa cishi cabo. Ulaakubatandaamo ceebo mbamucita shibi alimwi ceebo ulisuni kulama cipangano ncaakashomesha bamashali banu bakulukulu, nkokwaamba ayi Abulaamu, Isaki alimwi aJakobo.

Dutolonomi 9:5 교차 참조

Taitasi 3:5

wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi.

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Matalikilo 15:7

Lyalo Mwaami Lesa wakamwaambila ayi, “Ndime Mwaami wakakukusha mundabala ya Ulu mucishi ca Babiloniya kwaamba ayi nkupe cishi cino ayi ncaako.”

Matalikilo 13:15

Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Esekelo 20:14

Sombi nshikwe kucita boobo ceebo ico nicakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Kulonga 32:13

Amwiibaluke basebenshi banu bene Abulaamu, Isaki alimwi aJakobo. Mwiibaluke cipangano ico ncemwakabakonkomesha ayi mulaakubapa bamulunyungu baanji mbuli nyenyeenshi mwiculu, alimwi ayi mulaakupa bamulunyungu babo cishi coonse ico ncemwakashomesha ayi cilaakunoolibo cinebo lyoonse alyoonse.”

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Bene Loma 15:8

Mukwiinga ntoomulwiita ayi Klistu wakesa mukucafwa baJuda kwaamba ayi atondeshe kushomeka kwakwe Lesa. Mukucita boobo shoonse Lesa nshaakashomesha bamashali besu bakulukulu shakacitika cancinencine.

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

Milimo ya Batumwi 3:25

Shintu shoonse Lesa nshaakashomesha kwiinda mubalaluki bakulukulu nshanu ceebo muli bamucipangano ico Lesa ncaakacita abamashali banu bakulukulu kweelana ambwaakaambila Abulaamu ayi, ‘Kwiinda mulunyungu lwako ndaakupa coolwe bantu boonse ba mucishi ca panshi.’

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Matalikilo 19:29

Sombi Mwaami Lesa ndyaakanyonyoola mandabala a muliwesa umo mwakalinga kwikala Loti, wakalinga kwiingashite kusenga kwakwe Abulaamu aboobo wakasuminisha Loti kuswaamo akuloboka.

Bene Lefi 18:25

Micito ya mushobo uyo yakalengesha cishi ico citanoosalalite kweelana aMilawo. Paceebo ceeci, nebo neMwaami Lesa ndakacipa mulandu, akucilengesha ayi cikake bantu bakalinga kwikalaamo.

Dutolonomi 12:31

Mutakanoolambila Mwaami Lesa, Lesa wanu munshila njebalambililamo balesa babo, mukwiinga pakulambila balesa babo balacita shintu shoonse shilensha bunya, isho Mwaami Lesa nshaapatite. Balo balabenga abana babo pashipaililo shabo ayi njimilambu.

Dutolonomi 18:9

“Ono na mukashike mucishi ico Mwaami Lesa, Lesa wanu ncaatoomupa, mutakeeleshi kukonkela micito ibiibi ya mishobo ya kooko.

Dutolonomi 20:18

Mukabacaaye, kwaamba ayi batakamulengeshi kubisha kuMwaami Lesa kwiinda mukumwiisha shintu shilensha nsoni, isho nshebacita pakulambila balesa babo.

Esekelo 36:22

“Paceebo ceeco lwiita bene Isilaeli ayi nebo neMwaami Lesa Shinkusu shoonse ndaamba ayi, ‘Teshi nkacite shintu nsheshi nkacite ceebo canu nobene Isilaeli. Sombi ndaakushicita ceebo ca liina lyangu lisalalite ilyo ndimwakabisha pakati ka mishobo iyo njemwakaya mukwikalaako.

Esekelo 36:32

Ntooyanda kumushibisha ayi nshitoocita shintu ishi ceebo ca ndimwe, sobwe. Amunyumfwe nsoni akulisenda pamicito yanu mwebo nobene Isilaeli. Nebo neMwaami Lesa Shinkusu shoonse ndaamba.’ ”

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

Bene Lefi 18:24

“Mutakalilengeshi kutanoosalalite kweelana aMilawo kwiinda mumicito iyi, ceebo bakunsengwe mbobakalilengesha kutanoosalalite kweelana aMilawo ubo, abo mbontootanda mucishi ca Kenani ayi mwebo mukenjileemo.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 18:12

Mwaami Lesa, Lesa wanu ulipatite muntu woonse ucita shintu ishi shilensha bunya. Nceceeco ncaatootandila mishobo iyo mucishi kunembo lyanu.