Dutolonomi 9:26 - Baibo Busansulushi Bwa Libuku Ili

²⁶ Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.

Dutolonomi 9:26 교차 참조

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Jelemiya 14:21

Ceebo ca liina lyanu mutatusuuli, mutalengeshi nsoni cuuna canu ca bulemu. Amwiibaluke cipangano ncemwakapanga andiswe, mutacileeki kucita kweelana a ncico.

Kulumbaisha 107:2

Abo Mwaami Lesa mbwaakafuna abaambe maswi aya. Ee, abaambe abo mbwaakalubula mumaansa a balwani babo.

Kulonga 15:13

Nomushomeka pacipangano canu, mwakatanjilila bantu mbomwakafuna. Kwiinda munkusu shanu mwakabatanjilila kuya kucishi canu cisalalite.

Bene Ebulu 9:12

Klistu ndyaakenjila mutente, akwinjila linkanda lyomwibo ndondoli muMusena Usalalite Wiindaawo, taakwe kutola bulowa bwa mpongo nabi bwa bacende ayi ape kuli Lesa. Sombi lakwe wakatola bulowa bwakwe mwiine akutubambila lupulusho lutamaani.

Mika 6:4

Ndakamukusha kuswa kuIjipiti, ee, ndakamulubula kuswa kucishi ca busha. Ndakamutumina Mose, Aloni aMilyamu kwaamba ayi bamutanjilile.

Isaya 63:19

Swebo tuli bantu banu kuswabo kale kale sombi balo tamuna kubawo kale baleli babo, ncakwiila tabakwe kwiitwawo kale muliina lyanu.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Kulumbaisha 106:23

Aboobo Lesa wakaamba ayi utoobanyonyoola. Sombi Mose, musebenshi wakwe ngwaakasala, wakeemikana pameenso akwe kwaamba ayi atabanyonyooli mubukali bwakwe.

Kulumbaisha 99:6

Mose aAloni bakalinga bapailishi bakwe Lesa bamwi, Samwelo alakwe wakalinga pakati ka baabo bakalinga kupaila kuli nguwe. Aba bantu bakalinga kulilila kuMwaami Lesa alakwe wakalinga kubakumbula.

Kulumbaisha 77:15

Mwakafuna bantu alyaansa lyanu lya nkusu, ee, bamulunyungu lwakwe Jakobo alwakwe Josefu.

Neyemiya 1:10

“NoBaami baLesa aba mbasebenshi banu alimwi mbantu banu, abo mbomwakafuna kwiinda munkusu shanu shiinji, ee, nkusu shanu shiindaawo.

1 Baami 8:51

Aba mbantu banu abo mbomwakakusha muIjipiti, mulya muli anga mumulilo usungulula mabwe.

2 Samwelo 7:23

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

Dutolonomi 21:8

NoBaami baLesa, amulekelele bantu banu bene Isilaeli abo mbomwakakusha mucishi ca Ijipiti. Amutulekelele alimwi mutatupi mulandu wakucaya muntu utakwe kubisha.’

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 13:5

Sombi mukacaye shikusansulula shiloto amulaluki uli woonse weenga wamulwiita ayi mwaashukile Mwaami Lesa, Lesa wanu uyo wakamukusha mucishi ca Ijipiti umo momwakalinga basha. Munshila iyo walinga kusuni kumukusha kubuumi ubo bwakamulwiita Mwaami Lesa ayi mwikale. Ncakwiila ulyeelete kucaikwa kwaamba ayi mukushe bubi ubu pakati kanu.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Kulonga 33:13

Ono na mbocibete ubo, amundwiite nshila shanu, kwaamba ayi noomusebensela akutolelela kumusangalasha. Mwiibaluke alimwi ayi mwakasala mushobo uyu kuba waanu.”

Dutolonomi 9:27

Amwiibaluke musebenshi wanu Abulaamu, Isaki alimwi aJakobo. Lyalo musuule bushicimpamya, bubi alimwi ashibiibi sha bantu aba.

1 Samwelo 7:9

Samwelo wakacaya mwanaambelele akumutenta kaalibo wakabumbulu ayi ngumulambu kuMwaami Lesa. Lyalo wakapaila kuMwaami Lesa ayi acafwe bene Isilaeli. Mpeeke Mwaami Lesa wakakumbula kupaila kwabo.

1 Baami 8:53

Mwakabasala pakati ka bantu bamwi boonse kwaamba ayi babe bantu banu, bweenka mbuli mbomwakabalwiita kwiinda muli Mose musebenshi wanu, ndimwakakusha bamashali besu bakulukulu kuswa mucishi ca Ijipiti.”

Kulumbaisha 78:35

Bakeebaluka ayi Lesa nguMwaandami wabo, ayi Lesa wa kwiculu Wiindaawo nguMupulushi wabo.

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Malilo 2:20

NoBaami baLesa, amubone akuyeeya. Anu ngani ngomwakapenshawo kale camushobo uyu? Sa ncibotu banakashi kulya bana babo? Sa ncibotu kulya baana abo mbobakalela? Sa bapailishi abalaluki balyeelete kucailwa muŊanda yanu isalalite?

Dutolonomi 9:12

“Mpeeke Mwaami Lesa wakandwiita ayi, ‘Seluka! Eendesha mukwiinga bantu bako mbowakatanjilila kuswa muIjipiti babica. Bacileka kale kucita shintu nshendakabaambila alimwi balipangila cibumbwabumbwa.’

Kulumbaisha 28:9

Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.