Dutolonomi 8:8 - Baibo Busansulushi Bwa Libuku Ili

⁸ Ncishi cilimwa witi, bale, minyansa, nkuyu, mapomegilaneti, maolifi, alimwi momuswa buuci.

Dutolonomi 8:8 교차 참조

Joni 6:13

Aboobo bakashibwesa akwisusha tutundu likumi atobilo twa bunsebunse bwa shinkwa ngobakashiyaako bantu kuswa kushinkwa osanwe uyo.

Kulumbaisha 147:14

Ulalama manyinsa ako akukupa witi uunji wiindaawo kubota.

Dutolonomi 32:14

Ŋombe ampongo shabo shakalinga kukamika abuumbi. Mbelele, mpongo aŋombe shabo shakalinga kwiinite. Mbelele shisankwa shakalinga shibotu anga nsha kuBashani, awalo witi alimwi awaini shakalinga kwiinditeewo kubota.

Joni 6:9

“Kuli mwanike musankwa kuno ucite shinkwa osanwe atuswi tobilo. Ino inga shacitanshi kubantu baanji bobulya?”

Abakuku 3:17

Nakubi kwaamba ayi mikuyu teecite maluba, nabi myuunda ya minyansa teekwe kucata shisepo, nabi shisamu sha maolifi tashikwe kucata, nabi myuunda yoonse teekwe kukusha shilyo nabi taamu mbelele mushimpati alimwi aŋombe mushimpati sha nshisho

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Osiya 2:22

Cishi ca panshi cilaakukusha shili anga ngamaila, waini upya alimwi amafuta a olifi. Shintu shoonse ishi shilaakuboneka muJesiliilu.

Osiya 2:8

“Tabakwe kwishiba kwaamba ayi ndime ndakabapa shili anga ngamaila, waini amafuta a olifi. Ncakwiila ndime ndakabapa silifa agolodi isho nshaakalinga kusebensesha kulambila Baali.

Esekelo 27:17

“ ‘Bene Juda abene Isilaeli bakalinga kucita makwebo andiwe. Balo bakalinga kuleta witi kuswa kuMiniti, shinkwa wamise, buuci, mafuta a olifi alimwi atununkila kabotu mubuyani mukushintana amakwebo ako.

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Isaya 7:23

“Munshiku isho mumusena woonse umo mwakalinga minyansa ili cuulu ikonsha kuulwa maali a silifa ali cuulu, mulaakubabo myuumfwa ashisonsoonya.

1 Baami 5:11

Solomoni wakalinga kupa Ilamu makilogilamu ali 2,000,000 a witi alimwi amalita ali 400,000 a mafuta a olifi mwaaka uli woonse kwaamba ayi anoolisha bantu bakwe.

2 Samwelo 4:6

Mwanakashi shikulindilila ŋanda wakalinga kupepeeta witi wakashinshila woona. Lyalo Lekabu aBaana mukwabo bakenjila cakuyubilila.

Kulumbaisha 81:16

Sombi mwebo inga ndamulisha shinkwa ubotu abuumbi. Ee, inga ndamulisha buuci buswa mumwaandami kushikila mukakute.”

Matalikilo 49:11

Ulaanga mwanaambongolo kucisamu ca munyansa, munyansa ubotu abuumbi. Ulacapa shakufwala shakwe muwaini usalala, mumaanshi aminyansa asalala anga mbulowa.

Dutolonomi 8:7

Mwaami Lesa, Lesa wanu utoomutola mucishi cicite bulongo bubotu, cishi cicite milonga atuntupu alimwi atulonga twa panshi uto tupulila mushinyika amunshaatulundu.

Dutolonomi 8:9

Uko nsala teshi ikamukoleewo tubili nabi kubula cimwi cintu. Mabwe ancico alicite nshimbi alimwi inga kamukaba mukuba kuswa mutulundu tuliimo.

Dutolonomi 32:13

“Ngowakalengesha ayi beendeleshe cishi coonse ca tulundu akubapa shakulya sha muluundu. Wakabapa buuci kuswa mumabwe, shisamu sha maolifi shakakomena mubulongo bwa mabwe.

Shakubelenga 13:23

Kuswawaawo bakashika kucinyika ca Eshikolu, nkomunya uko bakatimbula musampi wakalinga kucite cisankata ca minyansa. Cisankata ico cakalinga cilemu cakwaamba ayi bantu bobilo mbobakacikonsha kukulika. Bakabwesa amapomegilaneti ankuyu.

Dutolonomi 6:3

Nobene Isilaeli, amwiikutike alimwi munooikonkela! Lyalo shintu shoonse shinanoomweendela kabotu alimwi mulaakuba mushobo unene akwikala mucishi ca bulongo bubotu, bweenka bwakashomesha Mwaami Lesa, Lesa wa bamashali banu bakulukulu.

2 Baami 18:32

Mulaakunoocita boobo kushikila mwaami wa bene Asilya akamukalike mucishi ico cili anga ncishi canu, uko kuli minyansa yakutyanako waini alimwi kuli ashili anga ngamaila akupangisha shinkwa. Ico ncishi ca maolifi, mafuta a olifi alimwi abuuci. Na mucite shoonse nsheshi akamulwiite, teshi mukafwe. Esekiya atamubeeci ayi Mwaami Lesa ulaakumupulusha.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.