3 Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.
Sombi Jesu wakakumbula ayi, “Cililembetwe muMalembo akwe Lesa ayi, ‘Muntu taabi abuumi mukulyabo kweenka, sombi ulaba abuumi amaswi oonse aswa kuli Lesa.’ ”
Sombi Jesu wakakumbula ayi, “Cililembetwe muMalembo akwe Lesa ayi, ‘Muntu taabi abuumi mukulyabo kweenka.’ ”
Boonse bakalya cakulya comwi ca mushimu,
Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.
Bakasenga cakulya, lyalo Mwaami Lesa wakabapa bakancele, wakabapa cakulya cakaswa kwiculu kwaamba ayi bakute.
Ndindakatanta peculu lya kalundu kwaamba ayi ntambule mabwe obilo apampamene, apo pakalinga kulembetwe cipangano ico Mwaami Lesa ncaakapanga amwebo, ndakekala apo nshiku makumi one cakutalya nabi kunwaawo cimwi cintu.
Temwakalinga kucitewo shinkwa wakulya, waini nabi bwalwa bwakunwa, sombi Mwaami Lesa wakalinga kumupa shoonse shakalinga kuyandika mubuumi bwanu kwaamba ayi mwishibe ayi nguLesa wanu.
Teshi maswi atacite ncito, sombi mbobuumi bwanu. Kamwaakonkela, lyalo mulaakwikala nshiku shiinji mucishi ico cili kwitala lya Joodani ncemutooya mukwikalaamo.”
Kwamyaaka ili makumi one iyo Mwaami Lesa njaakamutanjilila muluyanga, shakufwala nabi nkwabilo shanu tashikwe kukwamookaawo.
