10 Mulaakuba ashintu shoonse nshemusuni kulya alimwi mulaakulumba Mwaami Lesa ceebo cakumupa cishi cicite bulongo bubotu ico.
Omoyo wangu lumbaisha Mwaami Lesa! Utalubiiko nkumbu shakwe shoonse.
Uyo woonse uyeeya ayi bushiku bumwi bulyeelete kulemekwa ulacita boobo mukulemeka Mwaami, alakwe uyo ulya cili coonse ulacita boobo mukulemeka Mwaami mukwiinga ulalumba Lesa ceebo ca cakulya ico. Uyo woonse ukaka kulya shakulya shimwi ulacita boobo mukulemeka akulumba Lesa.
Lemeka Mwaami Lesa abuboni bwako boonse ansoomo sha shisepo sha mumuunda wako.
“Ono nceebonshi nebo abantu bangu nceenga twakondelwa ayi twamupa shipo ishi? Shintu shoonse shilaswa kuli ndimwe, aboobo twabooshabo shintu shili kale shaanu.
Lyalo Jesu wakaambila bantu ayi bekale panshi pabwiisu. Wakabwesa shinkwa wosanwe alimwi atuswi tobilo, walanga kwiculu akulumba Lesa. Ndyaakamanisha wakakomoona shinkwa akupa bashikwiiya bakwe abalo bakaabila bantu.
Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.
Lyalo maato amwi akaswa kuTibelyasi akashika pafwaafwi ampobakalita shinkwa bantu, Mwaami Jesu ndyaakamana kulumba Lesa.
Kamulumba Lesa mushintu shoonse. Ici ncaasuni Lesa kwaamba ayi mucite kweelana ambomuli muli Klistu Jesu.
Uko nsala teshi ikamukoleewo tubili nabi kubula cimwi cintu. Mabwe ancico alicite nshimbi alimwi inga kamukaba mukuba kuswa mutulundu tuliimo.
Nebo pakubashisha mucishi umo muli bubile abulongo bubotu ico ncendakashomesha bamashali babo bakulukulu, balaakutalika kulambila balesa bamwi. Balaakunkaka akupwaya cipangano cili pakati pali mbabo anebo, mukwiinga balaakunoolyatabo mushakulya.
Ntokwiimbila wooyo ngoonsuni lwiimbo lwaamba pamuunda wakwe wa minyansa. Usunikwi wangu wakalinga kucite muunda wa minyansa, palubasu lwa kalundu pakalinga mboleshi.
Mulaakulya shiinji akukuta. Ncakwiila mulaakunumbaisha nebo neMwaami Lesa, Lesa wanu uyo wakamucitila shintu shikankamika. Mwebo nobantu bangu teshi mukasebaanishikweewo tubili.
