Dutolonomi 4:34 - Baibo Busansulushi Bwa Libuku Ili

³⁴ Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Dutolonomi 4:34 교차 참조

Dutolonomi 26:8

Mpomunyaawo Mwaami Lesa wakatukusha mucishi ca Ijipiti kwiinda munkusu shakwe shinene. Wakacita shaankamiko ashitondesho sha nkusu sha kwiculu alimwi ashintu shiinji shiloondesha.

Dutolonomi 5:15

Amwiibaluke ayi mwakalinga basha mucishi ca Ijipiti alimwi ayi nebo neMwaami Lesa, Lesa wanu ndakamufuna kwiinda munkusu shangu shinene. Nceceeco ncendamwaambilila ayi mulame bushiku bwakookesha bwa Cibelu.

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Dutolonomi 7:19

Amwiibaluke myaalu iyoosha iyo njemwakabona ameenso anu nobeene. Amwiibaluke ashaankamiko, shitondesho shankusu alimwi ankusu shinene isho Mwaami Lesa, Lesa wanu nshaakasebensesha ayi amwaangulule. Mwaami Lesa ulaakunyonyoola mishobo iyo njemutooloonda bulya bweenka mbwaakacita kubene Ijipiti.

Jelemiya 32:21

Mwakaloondesha balwani besu kwiinda mukucita shitondesho sha nkusu sha kwiculu ashaankamiko. Munshila iyo mwakasebensesha nkusu shanu kukusha bene Isilaeli bantu banu muIjipiti.

Dutolonomi 6:21

Mwebo mukakumbule ayi, ‘Twakalinga basha bakwe Falawo, mwaami wa cishi ca Ijipiti. Ono Mwaami Lesa wakatufuna kwiinda munkusu shakwe shinene.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Dutolonomi 34:12

Ncakwiila taaku muntu nabi womwi uyo wakacitawo kale shintu sha nkusu shiyoosha mbuli sheesho Mose nshaakacita pameenso abene Isilaeli.

Kulonga 3:10

Ono ntookutuma kumwaami Falawo wa kuIjipiti kwaamba ayi ukatanjilile bantu bangu kuswa mucishi cakwe.”

1 Pita 5:6

Aboobo amuliceeshe pameenso akwe Lesa shinkusu kwaamba ayi akamusumpule paciindi ceelete.

Kulonga 10:7

Mpomunyaawo bacinenenene bakwe Falawo bakamwaambila ayi, “Nciindi cilaamfu buyani muntu uyu nceshi atole kaatuletela mapensho? Amubaleeke bene Isilaeli baye, kwaamba ayi bakalambile Mwaami Lesa, Lesa wabo. Sa abobulya tamutoobona ayi cishi ca Ijipiti canyonyooka?”

Dutolonomi 29:3

Mwakalibonena nobeene myaalu iloondesha, shaankamiko alimwi ashitondesho sha nkusu sha kwiculu isho Mwaami Lesa nshaakacita.

Kulonga 7:3

Sombi ndaakulengesha mwaami kuba shicimpamya, alimwi nabi nkacite shaankamiko ashitondesho sha nkusu shiinji buyani mucishi ca Ijipiti,

Kulumbaisha 78:12

Wacita shaankamiko mumeenso a bamashali babo bakulukulu, mucishi ca Ijipiti mucituunta ca Sowani.

Kulonga 1:9

Wakaambila bantu ba mucishi cakwe ayi, “Bene Isilaeli aba mbaanji abuumbi alimwi mbayumu kwiinda ndiswe.

Kulonga 14:30

Anu pabushiku ubo, Mwaami Lesa wakapulusha bene Isilaeli mumaansa abene Ijipiti, alimwi bene Isilaeli bakabona bene Ijipiti bafwite kabaseela muloombe lwa lweenge.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’

Dutolonomi 11:2

Amwiibaluke sunu nshemweeya paMwaami Lesa kwiinda mushintu nshemwakalinga kubona akucita. Ndimwe mwakashibona akushicita kuteshi bana banu. Mwakabona bunene bwa Mwaami Lesa, Lesa wanu, nkusu shakwe shiindaawo

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

Kulumbaisha 24:8

Anu Mwaami shibulemu ngani? NguMwaami Lesa Shinkusu shoonse. NguMwaami Lesa uyo ukoma cankusu munkondo.

Kulumbaisha 136:12

Wakabakusha alyaansa lya nkusu alimwi litandabikitwe, ee, mukwiinga lusuno lwakwe ndwamuyayaya.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Jelemiya 21:5

Lyalo ndaakumulwana nebo nemwiine alyaansa litandabikitwe licite nkusu shiinji mubukali bwangu buyoosha amubukali bwangu bwa mishobo umwi bwiindaawo.

Kulonga 10:21

Mpeeke Mwaami Lesa wakaambila Mose ayi, “Tandabika lyaansa lyako mwiculu, kwaamba ayi mucishi coonse ca Ijipiti mube munshinshe ulemu.”

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 19:4

“Mwakabona nshendakacita nebo neMwaami Lesa kubene Ijipiti, alimwi ambuli mbondakamunyamuna bweenka mbuli mumbankwashi mbwaanyamuna bana bakwe pamapapaminwa akwe akumuleta kokuno kuli ndime.

Shakubelenga 20:16

Mpeeke twakalilila Mwaami Lesa ayi atucaafwe. Wakanyumfwa kulila kwesu akutuma munjelo uyo wakatukusha mucishi ca Ijipiti. Ono bulya tuli kuKadeshi, ndabala iyo ili kumanyinsa a cishi canu.

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Dutolonomi 10:21

Amumulumbaishe ceebo nguLesa wanu. Mwebo nobeene mwakabona ameenso anu shintu shikankamanisha nshaakacita ceebo ca ndimwe.

Joshuwa 24:7

bakandilila ayi mbacaafwe. Lyalo ndakabika munshinshe pakati kabo abene Ijipiti. Mpeeke ndakalengesha Lweenge kukunka calunteente pali mbabo akubalobya. Mulishi ncendakacita kubene Ijipiti. Mwakekala muluyanga ciindi cilaamfu.