Dutolonomi 4:1 - Baibo Busansulushi Bwa Libuku Ili

¹ Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:1 교차 참조

Bene Loma 10:5

Kweelana acikani cakululamikwa kwiinda mukukonkela Milawo, Mose wakalemba ayi, “Uyo woonse ukonkela Milawo, ulaakuba abuumi.”

Dutolonomi 8:1

“Amukonkele cakushomeka milawo yoonse njendamupa sunu kwaamba ayi munooli boomi, mufule alimwi mukabwese cishi ico Mwaami Lesa ncaakashomesha kubamashali banu bakulukulu.

Esekelo 20:11

Ndakabapa milasho yangu akubeeisha milawo yangu iyo ipa buumi kumuntu uyo wiinyumfwila.

Bene Lefi 18:5

Amukonkele sheesho nshentoomulwiita amilawo njentoomupa. Pakunoocita boobo mulaakupulusha buumi bwanu. Nebo ndime Mwaami Lesa.

Dutolonomi 30:16

Ceebo ndamulwiita ayi musune Mwaami Lesa, Lesa wanu, kweenda munshila shakwe akukonkela milawo, milasho yakwe alimwi akwiisha kwakwe kumwi koonse. Na mukacite boobo, Mwaami Lesa, Lesa wanu ulaakumufusha akumupa coolwe mucishi ico ncemutooya mukubwesa akwikalaamo.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Dutolonomi 5:1

Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Bene Lefi 22:31

“Kamukonkela milawo yangu. Nebo ndime Mwaami Lesa.

Bene Lefi 19:37

Amukonkele milawo yangu yoonse alimwi amilasho yangu yoonse. Nebo ndime Mwaami Lesa.”

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Esekelo 36:27

Ndaakubika Mushimu wangu muli ndimwe akumulengesha kukonkela milasho yangu alimwi akunyumfwila milawo yangu cakushomeka.

Esekelo 20:21

“ ‘Nakubi boobo lishalane ilyo alyalo lyakangashukila. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Kulumbaisha 119:4

Mwebo noBaami baLesa mwakapa milasho yanu iyo yeelete kunookonkelwa cakushomeka.

Kulumbaisha 105:45

Wakacita boobo kwaamba ayi bakonkele milasho yakwe, alimwi akulama milawo yakwe yoonse. Amulumbaishe Mwaami Lesa!

Dutolonomi 30:19

Sunu ndeeta liculu alimwi acishi ca panshi ayi shibe bakamboni bangu. Ndamupa ciindi cakusala pakati ka buumi alufu, apakati ka coolwe amashingo. Ono amusale buumi kwaamba ayi mwebo abamulunyungu lwanu munooli boomi.

Dutolonomi 16:20

Mwebo mukanokoombolosha bantu boonse cakutanyengelela, kwaamba ayi mukekalilile mucishi ico Mwaami Lesa, Lesa wanu ncaatoomupa.

Dutolonomi 11:32

amukabikeeko maano kukonkela milawo amilasho yoonse njeentoomupa sunu.

Dutolonomi 11:1

“Amusune Mwaami Lesa, Lesa wanu alimwi kamukonkela milawo amilasho yakwe yoonse.

Dutolonomi 4:45

Mose wakabapa milasho amilawo iyi ndibakaswa muIjipiti

Dutolonomi 4:8

Taaku mushobo umwi ucite milasho amilawo iluleme anga njeeyi njindamwiisha sunu.

Bene Lefi 20:8

Kamukonkela milawo yangu ceebo nebo ndime Mwaami Lesa neemusalasha.

Joni 15:14

Na kamukonkela kwiisha kwangu, nkokwaamba ayi muli babyaanji.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Kulonga 18:20

Ulyeelete kubeeisha milasho amilawo yakwe Lesa akubasansulwita mbuli mbobeelete kwikala alimwi anshebeelete kucita.

Dutolonomi 1:3

Pabushiku butaanshi bwa mweenshi wa likumi awomwi mumwaaka wa makumi one kuswa ndibakaswa mucishi ca Ijipiti, Mose wakabalwiita shoonse Mwaami Lesa nshaakamulasha ayi abalwiite.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 30:20

Ono amusune Mwaami Lesa, Lesa wanu, munoomunyumfwila alimwi akushomeka lyoonse kuli nguwe. Na munoocita boobo, mulaakwikala myaaka iinji mucishi ico ncaakashomesha cakulumbila kupa bamashali banu bakulukulu Abulaamu, Isaki alimwi aJakobo.”

Bene Lefi 19:19

“Kamukonkela milawo yangu. Tamweelete kusuminisha mishobo ya banyama mbomufubite ayi banooshalana amishobo imwi ipusene. Tamweelete kushanga mbuto shobilo shipusene mumuunda womwi, alimwi tamweelete kufwala shakufwala shakapangwa kumishobo yobilo ya shisani.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 6:1

“Iyi njemilawo amilasho iyo Mwaami Lesa, Lesa wanu njaakandwiita ayi mwiishe. Mukanooikonkela mucishi ico ncemuli pafwaafwi kwinjila akubwesa.

Dutolonomi 6:24

Lyalo Mwaami Lesa, Lesa wesu wakatwaambila kukonkela milawo iyi yoonse akumulemeka. Na tunoocita boobo, unanootulama lyoonse akunootulengesha kusumpuka kweelana ambwaatoocita cino ciindi.

Dutolonomi 7:11

Anu mubikeeko maano kukonkela milawo amilasho yoonse njendamupa sunu.

Dutolonomi 8:11

“Amushinishe kwaamba ayi teshi mukalube Mwaami Lesa, Lesa wanu. Kutaalilwa kukonkela milawo amilasho yakwe iyo njeentoomupa sunu.

Dutolonomi 9:1

“Ono amukutike mwebo nobene Isilaeli. Muli pafwaafwi kusubuka Mulonga wa Joodani ayi mubwese cishi ca mishobo inene icite nkusu kwiinda ndimwe. Mandabala abo nganene alimwi alishitilishitwe alubumbu lulaamfu abuumbi.

Dutolonomi 13:1

“Na mulaluki nabi shikusansulula shiloto washomesha kucita caankamiko nabi citondesho ca nkusu,

Joshuwa 3:9

Pesule Joshuwa wakaambila bantu ayi, “Amwise kokuno munyumfwe maswi a Mwaami Lesa, Lesa wanu.

Jelemiya 11:6

Mpeeke Mwaami wakaŋambila ayi, “Koya waambilishe maswi aya oonse mumandabala a kuJuda amumikwakwa ya muJelusalemu ayi, ‘Amunyumfwe makani acipangano ici alimwi mwaakonkele.