Dutolonomi 34:1 - Baibo Busansulushi Bwa Libuku Ili

¹ Lyalo Mose wakaswa mushinyika sha Moabu akutanta paKalundu ka Nebo, kushika apeculu peene paKalundu ka Pisiga ako kalangene andabala ya Jeliko. Nkweeke uko, Mwaami Lesa wakamubonesha cishi coonse. Nkokwaamba ayi kutalikila kucishi ca Gilyadi kushika akucishi ca Dani,

Dutolonomi 34:1 교차 참조

Ciyubululo 21:10

Mpomunyaawo Mushimu Usalashi wakantanjilila, alakwe munjelo uyo wakantola peculu pakalundu kanene kalaamfu. Lyalo wakambonesha ndabala inene isalalite ya Jelusalemu keeswa kwiculu kuli Lesa.

Esekelo 40:2

Mucili anga nciloto Lesa wakantola kucishi ca Isilaeli akunjimika peculu lya kalundu kalaamfu ako kakalinga kucite maanda aanji kulubasu lwa kumalenge ayo akalinga kuboneka anga nindabala inene.

Joshuwa 19:47

Bene Dani ndibakanyaikwa cishi cabo, bakaya mukulwana ndabala inene ya Leshemu. Bakaishinguluka, bacaya bantu ba mumo boonse alimwi akwiibwesa ayi njabo. Bakekala mundabala iyo akwiitumba liina limwi ayi Dani, liina lya mushali wabo mukulukulu.

Dutolonomi 32:49

“Koya mutulundu twa Abalimu, mucishi ca Moabu ico cilangene andabala ya Jeliko. Utante paKalundu ka Nebo, akubona cishi ca Kenani, ico ncentoopa bene Isilaeli.

Shakubelenga 27:12

Mpomunyaawo Mwaami Lesa wakaambila Mose ayi, “Utante paKalundu ka Abalimu akubona cishi ncentoopa bene Isilaeli.

Boomboloshi 18:29

Ndabala iyo bakeetumba ayi Dani, liina lya mushali wabo mukulukulu uyo wakalinga mwanaakwe Jakobo. Kale kale yakalinga kwiitwa ayi Laishi.

Dutolonomi 34:4

Kuswawaawo Mwaami Lesa wakaambila Mose ayi, “Cilya ncecishi ncendakashomesha Abulaamu, Isaki aJakobo ayi ndaakupa bamulunyungu lwabo. Ndakubonesha, sombi teshi ukalyateemo napaceyi.”

Dutolonomi 32:52

Paceebo ceeci, cishi ici ulaakucibonenabo palaale, sombi teshi ukashike mucishi ico ncentoopa bene Isilaeli.”

Dutolonomi 3:27

Koya peculu lya Kalundu ka Pisiga, ulange kumatwa akumalenge, kwicwe akumbo. Ulangishishe kabotu nsheshi ubone mukwiinga webo teshi ukausubukeewo Mulonga wa Joodani.

Shakubelenga 33:47

Akwalo bakaswaako akulongela kuAbalimu kufwaafwi aNebo.

Shakubelenga 21:20

alimwi ndibakaswa kuBamoti bakaya kucinyika cili mucishi ca bene Moabu, kamutana kushika peculu lya Kalundu ka Pisiga, aluyanga kalubwenekete.

Matalikilo 14:14

Abulamu ndyaakanyumfwa kwaamba ayi mwiicwa wakwe watolwa busha, wakabunganya basankwa beshikulwana pamisumba yakwe abo bakalinga kushika 318 boonse pantu pomwi. Mpeeke bakakonkela bamaami abo kuya mukushika akuDani.

Matalikilo 13:14

Loti ndyaakaya, Mwaami Lesa wakaambila Abulamu ayi, “Kuswawaawo mpoobete, langishisha kabotu kumatwa akumalenge, kwicwe akumbo.

Shakubelenga 23:14

Lyalo wakamutola kumuunda wa Sofimu peculu lyaKalundu ka Pisiga. Apalo apo wakayakawo shipaililo shosanwe ashobilo akubengelawo mucende womwi alimwi ambelele isankwa yomwi pacipaililo comwi acomwi.

Joshuwa 22:9

Mpeeke bamumukowa wakwe Lubeni, Gadi alimwi amusa wa mukowa wakwe Manase bakaboolela kumishaabo. Bakashiya bene Isilaeli bamwi boonse kuShilo mucishi ca Kenani akuboolela kuGilyadi cishi cabo beene ico cakabapa Mwaami Lesa kwiinda muli Mose.