2 Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.
Mwaami uyo aakabe anga nimfula itoolokela mumyuunda, ncakwiila anga nja tepetepe itootontosha cishi coonse!
Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.
Sombi Mwaami Lesa waamba ayi, “Nobene Isilaeli anobene Juda anu mwebo inga ndamucitawo buyani? Lusuno lwanu lulibo anga ngushikunku wa macuunsa, ee, anga ngumume uyo ukupuka na lumwi lwabala.
ulabala anga ngumumuni wa macuunsa, ee, mumuni wa macuunsa ndikubula makumbi. Uli anga ngumumuni umenesha bwiisu imfula ndyeemana kuloka.’
Lesa ulapa coolwe bulongo bwa mumuunda umo mulokela mfula liinji liinji akulengesha ayi mbewu sha balimi shicate shisepo shibotu shibaletela mpindu.
Anu amusenge mfula kuMwaami Lesa kumatalikilo amainsa. NguMwaami Lesa uleta makumbi alosha mfula. Ncakwiila ngoolengesha mfula yatepetepe kuloka akulengesha shishango sha muntu woonse kushiya.
Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.
Mulalosha mfula iinji mumyuunda, alimwi mulaibombesha amaanshi, Mulabombya bulongo amfula yatepetepe akulengesha shishango kumena.
Shintu nsheentoomwiisha, nshibotu abuumbi, aboobo mutashisoweeli, napaceyi.
Ono bulya kutika Mwaami Lesa mbwaatokwaamba. Webo waamba ayi, ‘Utanoolalukila bene Isilaeli, ee, ayi cileke kushimikila bamulunyungu lwakwe Isaki.’
Bamatanjilili abo balaakukoma cishi ca bene Asilya kumupeeni. Balaakukoma acishi ca Nimulodi kunkondo. Balaakutufuna kuswa kubene Asilya paciindi baakwisa mukulwana cishi cesu, ee, baakwinjila mumanyinsa esu.
