Dutolonomi 31:8 - Baibo Busansulushi Bwa Libuku Ili

⁸ Mwaami Lesa mwiine ngweshi anookutanjilila alimwi unanooli awebo. Teshi akakushiyeewo nabi kukusuula. Aboobo tooelete kuloonda nabi kutyongola.”

Dutolonomi 31:8 교차 참조

Kulonga 33:14

Mwaami Lesa wakakumbula ayi, “Ndaakuya amwebo alimwi ndaakumupa nkusu shakukoma.”

Dutolonomi 31:6

Anu amuyume akulishoma. Mutabaloondi nabi kututuma ceebo Mwaami Lesa, Lesa wanu unanooli amwebo. Teshi akamushiyeewo nabi kumusuula.”

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

Dutolonomi 9:3

Ono sunu nobeene mutoobona Mwaami Lesa, Lesa wanu utoomutanjilila abukali buli anga ngumulilo utoobilima. Unanooya cibakoma kunembo lyanu mwaakunooya, kwaamba ayi mukabatandeemo akubanyonyoola cakufwambaana mbuli mbwaakashomesha.

Dutolonomi 31:3

Mwaami Lesa, Lesa wanu mwiine ngweshi akanooli kunembo akunyonyoola mishobo iyo ili kooko kwaamba ayi mukabwese cishi cabo. Joshuwa ngweshi abe mutanjilili wanu kweelana abwakaamba Mwaami Lesa.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

Dutolonomi 4:31

Mwaami Lesa, Lesa wanu, ngushinkumbu. Teshi akamusuule nabi kumunyonyoola alimwi teshi akaluube cipangano ico lakwe mwiine ncaakapanga abamashali banu bakulukulu.

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

1 Baami 11:38

Na ukanoonyumfwila camoyo woonse akukonkela milawo yangu alimwi akunsangalasha mukucita kweelana amilasho yangu bweenka bwaakacita Defedi musebenshi wangu, ndaakuba awebo kwalyoonse. Ndaakukupa bwaami bwa bene Isilaeli akulengesha bamulunyungu lwako kupyana bwaami bwako bweenka mbondakacita pali Defedi.

Jelemiya 32:40

Ndaakupanga cipangano ambabo calyoonse alyoonse. Ee, teshi nkacileeke kubacitila shibotu nabi kucileka kubalengesha kunoonda amyoyo yabo yoonse kwaamba ayi batakamfutatili tubili.

Kulonga 32:1

Ono bantu ndibakabona ayi Mose wacelwa kuswa pakalundu, bakabungana kuli Aloni akumwaambila ayi, “Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.”

Shakubelenga 13:9

Benjameni Paluti mwanaakwe Lafu.

Dutolonomi 31:23

Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.

1 Baami 6:13

Ndanookala pakati ka bantu bangu beene Isilaeli muŊanda yangu iyi njewanjakila, alimwi teshi nkabasuuleewo.”

1 Baami 8:57

Mwaami Lesa, Lesa wesu aabe aswebo bweenka mbwaakalinga abamashali besu bakulukulu. Atatushiyi cisuukila nabi kutusuula.

1 Makani 22:13

Na ukakonkele milasho amilawo yoonse iyo Mwaami Lesa njaakapa bene Isilaeli kwiinda muli Mose, ulaakuswitilila. Ulyeelete kuyuma akulishoma. Utakaloondi nabi kutyongola.

Kulumbaisha 94:14

Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.