Dutolonomi 31:27 - Baibo Busansulushi Bwa Libuku Ili

²⁷ Nebo ndishi bwaashu abushicimpamya mbobacite. Balo bakalinga kwaashukila Mwaami Lesa nebo kaancili muumi, ono cilaakweela kuli na nkafwe!

Dutolonomi 31:27 교차 참조

Dutolonomi 32:20

Wakaamba ayi, ‘Ndaakubafutatila, tubone na balaakweela kuli. Mukwiinga ndunyungu lushicimpamya, ncakwiila mbaana batashomeki.

Dutolonomi 9:24

Kuswabo paciindi ndindakamwishiba mulibo beshikwaalookila Mwaami Lesa.

Milimo ya Batumwi 7:51

“Mwebo nobeshicimpamya! Myoyo yanu ilibo anga nja bantu batashomi muli Lesa alimwi matwi anu taanyumfwi makani akwe! Mulikoshenyebo abamashali banu bakulukulu mukwiinga amwebo tamunyumfwili Mushimu Usalashi!

Isaya 48:4

Ndakalinga kwishi kwaamba ayi mutooshininwabo ayi muli beshicimpamya. Mulicite myoyo iyumu anga nceela ca nshimbi. Ayalo mitwi yanu njiyumubo anga nceela ca bulonse.

Kulumbaisha 78:8

Teshi bakabe anga mbamashali babo bakulukulu, abo beshicimpamya alimwi lishalane lyaashu, abo batakalinga kucinkite manungo muli Lesa cakushinisha, ncakwiila batakalinga kucite myoyo ishomeka kuli nguwe.

2 Makani 30:8

Mutabi beshicimpamya mbuli bwakalinga bamashali banu bakulukulu, sombi amunyumfwile Mwaami Lesa. Kamwisa kuŊanda yakwe Lesa muJelusalemu iyo njaakasalasha kwalyoonse alyoonse. Kamusebensela Mwaami Lesa, Lesa wanu kwaamba ayi bukali bwakwe bumane pali ndimwe.

Dutolonomi 9:4

“Mwaami Lesa aakumana kumutandilaamo bantu abo, mutakaambi ayi, ‘Wakatuleta mucishi ici mukwiinga ndiswe tweeleteemo,’ sobwe. Mwaami Lesa ulaakubatandaamo ceebo mbamucita shibi.

Dutolonomi 9:13

“Mwaami Lesa wakandwiita alimwi ayi ‘Ndishi bantu aba mbobabete, mbeshicimpamya.

Dutolonomi 31:26

“Amubwese Libuku lya Milawo ili akulibika lubamba aLibokoshi lya Cipangano ca Mwaami Lesa, Lesa wanu. Uko, lilaakunooli bukamboni bwakushinina bantu bakwe boonse.

Neyemiya 9:16

Sombi balo bamashali besu bakulukulu bakalisumpula akuba beshicimpamya. Bakakaka kunyumfwila milawo yanu.

1 Samwelo 12:15

Ono na mukabule kunookutika Mwaami Lesa, alimwi akutakonkela milawo yakwe, ulaakuba mulwani wanu bweenka mbwaakaba mulwani wa bamashali banu bakulukulu.

Neyemiya 9:29

Mwakabacenjesha kunyumfwila kwiisha kwanu, sombi balo bakalisumpula akukaka kukonkela milawo yanu nakubi kwaamba ayi Milawo yanu ilapa buumi kumuntu na weekonkela. Ceebo ca bushicimpamya bwabo bakaka kumunyumfwila.

Kulumbaisha 78:17

Sombi bakatolelela kubishisha Lesa, muluyanga bakabukila Lesa wa kwiculu Wiindaawo.

Isaya 30:9

Bantu aba mbaashu, mbabeshi mbaana batalibambite kunyumfwila milasho ya Mwaami Lesa.

Jelemiya 5:23

Sombi mwebo muli beshicimpamya alimwi baashu. Mwakamfutatila akutola nshila shanu nobeene.

Esekelo 20:21

“ ‘Nakubi boobo lishalane ilyo alyalo lyakangashukila. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.